અમરેલી 19 જુલાઈ (હિ.સ.) : અમરેલી જિલ્લાના પ્રભારી સચિવ સંદિપકુમારએ આજે નાના માચીયાળા નજીક આવેલ જર્જરિત બ્રીજ તેમજ સાવરકુંડલા ચોકડી બાયપાસ નજીક આવેલા ઠેબી નદી ઉપરના બ્રીજનું નિરિક્ષણ કર્યું હતું. તેમણે સ્થળ પર પહોંચી બ્રીજની હાલત નિહાળી, તંત્રના અધિકારીઓ પાસેથી બ્રીજની તાકાત, હાલની સ્થિતિ અને જીવલેણ ખતરા અંગે વિગતો મેળવી. પ્રભારી સચિવએ તાત્કાલિક તકે સાવચેતીના પગલાં લેવા, વાહન વ્યવહાર નિયંત્રણમાં રાખવા તેમજ જરૂરી વોલ બેરિકેડ અને ચિંતાવિહોણા વાહન ચાલકો માટે ચિહ્ન લગાવવા સૂચનાઓ આપી હતી.

ઠેબી નદી પરના બ્રીજની પણ સંયમપૂર્વક તપાસ કરી. પાણીના પ્રવાહની દૃષ્ટિએ બ્રીજના પાયાની મજબૂતી, બ્રીજ પર ક્રેક સહિતના મુદ્દાઓની સમીક્ષા કરી હતી. તેમણે રીપેરિંગ અને નવી બ્રીજ બનાવવાની શક્યતાઓ અંગે પણ તંત્રને તાત્કાલિક ટેક્નિકલ રિપોર્ટ તૈયાર કરવા અને આગળની કાર્યવાહી માટે સરકારને રજૂઆત કરવા જણાવ્યું હતું.

આ નિરિક્ષણ દરમિયાન આર એન્ડ બી વિભાગના અધિકારીઓ, જિલ્લા કલેક્ટર, પાલિકા તથા સ્થાનિક તંત્રના જવાબદાર અધિકારીઓ પણ હાજર રહ્યા હતા. પ્રભારી સચિવે સમગ્ર કામગીરીમાં સંવેદનશીલતા રાખી, લોકસુરક્ષાને પ્રથમ કનેક્ટિવિટી આપવા સ્પષ્ટ સૂચના આપી હતી.

---------------

હિન્દુસ્થાન સમાચાર / Gondaliya Abhishek