નવી દિલ્હી, 19 જુલાઈ (હિ.સ.). જનસત્તાના સ્થાપક સંપાદક પ્રભાસ જોશીની જન્મજયંતિ નિમિત્તે, રવિવારે સાંજે ચાર વાગ્યે રાષ્ટ્રીય રાજધાની દિલ્હીના રાજઘાટના સત્યાગ્રહ મંડપ ખાતે 'પ્રભાસ પ્રસંગ'નું આયોજન કરવામાં આવશે. આ માહિતી આજે પ્રભાસ પરંપરા ન્યાસના સચિવ મનોજ મિશ્રાએ આપી હતી.

પ્રભાસ પરંપરા ન્યાસના સચિવ મિશ્રાએ જણાવ્યું હતું કે, પદ્મ ભૂષણથી સન્માનિત પ્રખ્યાત પત્રકાર અને ઇન્દિરા ગાંધી નેશનલ સેન્ટર ફોર ધ આર્ટ્સના પ્રમુખ રામ બહાદુર રાય, 'કટોકટીના 50 વર્ષ: અનુભવ, અભ્યાસ અને શીખ' વિષય પર પ્રભાસ જોશી સ્મારક વ્યાખ્યાન આપશે. વરિષ્ઠ પત્રકાર જવાહરલાલ કૌલ સમારોહની અધ્યક્ષતા કરશે.

તેમણે કહ્યું કે, મુખ્ય અતિથિ કેન્દ્રીય સંસ્કૃતિ મંત્રી ગજેન્દ્ર સિંહ શેખાવત અને વિશેષ અતિથિ મધ્યપ્રદેશના નાયબ મુખ્યમંત્રી રાજેન્દ્ર શુક્લા હશે. પદ્મશ્રી પ્રહલાદ સિંહ ટિપાનિયા દ્વારા કબીર ભજન ગાયન પણ કરવામાં આવશે. પ્રભાસ જોશીનું પાંચ નવેમ્બર, 2009 ના રોજ અવસાન થયું. તેમના મૃત્યુ પછી, તેમની પરંપરા ચાલુ રાખવા માટે રચાયેલી પ્રભાસ પરંપરા ન્યાસ, સતત વિવિધ કાર્યક્રમોનું આયોજન કરી રહી છે. આ જ ક્રમમાં, રવિવારે (20 જુલાઈ) પ્રભાસ ઉત્સવનું આયોજન કરવામાં આવી રહ્યું છે.

હિન્દુસ્થાન સમાચાર / મુકુન્દ

હિન્દુસ્થાન સમાચાર / માધવી વ્યાસ