કાઠમંડુ, નવી દિલ્હી,20 જુલાઈ (હિ.સ.)

ભૂતપૂર્વ રાષ્ટ્રપતિ વિદ્યા ભંડારી સક્રિય રાજકારણમાં પ્રવેશ્યા બાદ, તેમને પાર્ટી

સભ્યપદ આપવા માટે રવિવારે સીપીએન યુએમએલ પાર્ટીની પોલિટબ્યુરો બેઠક ચાલી રહી છે. આ

બેઠકમાં, ભૂતપૂર્વ

રાષ્ટ્રપતિને પાર્ટી સભ્યપદ આપવાની અંતિમ સત્તા પાર્ટી પ્રમુખ કેપી શર્મા ઓલીને

સોંપવામાં આવી છે.

પાર્ટીની પોલિટબ્યુરો બેઠકમાં ભૂતપૂર્વ રાષ્ટ્રપતિના સક્રિય

રાજકારણ અંગે ચર્ચા ચાલી રહી છે. પાર્ટીના મોટાભાગના સભ્યો સક્રિય રાજકારણમાં

તેમના પ્રવેશને સમર્થન આપી રહ્યા છે, પરંતુ કેટલાક નેતાઓ તેનો વિરોધ પણ કરી રહ્યા છે. બેઠકમાં, પાર્ટી પ્રમુખ

ઓલીએ કહ્યું કે ભૂતપૂર્વ રાષ્ટ્રપતિના સક્રિય રાજકારણમાં પ્રવેશને કારણે પાર્ટીમાં

જૂથવાદ વધવા લાગ્યો છે. તેમણે કહ્યું કે,” ફક્ત તેમની પાર્ટી યુએમએલ જ નહીં, પરંતુ દેશના અન્ય

રાજકીય પક્ષો પણ આ અંગે અલગ અલગ મંતવ્યો રાખી રહ્યા છે.”

ઓલીએ કહ્યું કે,” વ્યક્તિગત રીતે તેઓ પણ આના પક્ષમાં નથી, પરંતુ અહીં ઘણા

પાર્ટી નેતાઓના મંતવ્યો સાંભળ્યા પછી, તેમને પાર્ટી સભ્યપદ આપવાનો નિર્ણય તાત્કાલિક લઈ શકાય નહીં.”

ઓલીએ કહ્યું કે,” ભૂતપૂર્વ રાષ્ટ્રપતિના સક્રિય રાજકારણમાં પ્રવેશની અસરનું

વિગતવાર વિશ્લેષણ કર્યા પછી યોગ્ય સમયે નિર્ણય લેવામાં આવશે.”

પક્ષના નેતાઓએ માંગ કરી છે કે,” આગામી વિધાનસભા સત્ર પહેલા

વિદ્યા ભંડારીના સભ્યપદ અંગે નિર્ણય લેવામાં આવે, જેથી ભંડારી આગામી સામાન્ય સત્રમાં આંતરિક

ચૂંટણીઓમાં પણ ભાગ લઈ શકે.”

હિન્દુસ્થાન સમાચાર / પંકજ દાસ / સુનિત નિગમ

હિન્દુસ્થાન સમાચાર / માધવી વ્યાસ