નવી દિલ્હી, 20 જુલાઈ (હિ.સ.) પ્રધાનમંત્રી નરેન્દ્ર મોદી 23 થી 26 જુલાઈ દરમિયાન

યુકે અને માલદીવની મુલાકાત લેશે. વિદેશ મંત્રાલય દ્વારા રવિવારે એક નિવેદનમાં આ

માહિતી આપવામાં આવી છે. બંને મિત્ર દેશો સાથે ભારતની વ્યૂહાત્મક ભાગીદારીને મજબૂત

બનાવવાની દિશામાં પ્રધાનમંત્રીની આ મુલાકાત મહત્વપૂર્ણ માનવામાં આવે છે.

વિદેશ મંત્રાલય અનુસાર, “પ્રધાનમંત્રી મોદી 23 અને 24 જુલાઈએ યુકેની

મુલાકાતે રહેશે. આ તેમની બ્રિટનની ચોથી મુલાકાત હશે. નરેન્દ્ર મોદી યુકેના

પ્રધાનમંત્રી સર કીર સ્ટારમરના આમંત્રણ પર જઈ રહ્યા છે. આ દરમિયાન, બંને

પ્રધાનમંત્રીઓ વચ્ચે વેપાર,

સંરક્ષણ, ટેકનોલોજી, આબોહવા પરિવર્તન, આરોગ્ય અને

શિક્ષણ સહિતના ઘણા મહત્વપૂર્ણ વિષયો પર ચર્ચા થશે. આ સાથે, પ્રધાનમંત્રી

મોદી બ્રિટનના રાજા રાજા ચાર્લ્સ III ની સૌજન્ય મુલાકાત પણ કરશે. નિવેદનમાં કહેવામાં આવ્યું છે

કે આ મુલાકાત દરમિયાન, બંને દેશો વચ્ચે 'વ્યાપક

વ્યૂહાત્મક ભાગીદારી' (સીએસપી) ની પ્રગતિની

સમીક્ષા કરવામાં આવશે. બંને નેતાઓ પ્રાદેશિક અને વૈશ્વિક મુદ્દાઓ પર પણ ચર્ચા

કરશે.”

મળતી માહિતી મુજબ, પ્રધાનમંત્રી મોદી તેમની મુલાકાતના, બીજા તબક્કામાં 25 થી 26 જુલાઈ દરમિયાન

માલદીવની મુલાકાત લેશે. આ મુલાકાત માલદીવના રાષ્ટ્રપતિ ડૉ. મોહમ્મદ મુઇઝુના

આમંત્રણ પર થઈ રહી છે. ડૉ. મુઇઝુ રાષ્ટ્રપતિ બન્યા પછી કોઈપણ રાજ્યના વડાની આ

પહેલી મુલાકાત હશે. પ્રધાનમંત્રી મોદી 26 જુલાઈએ માલદીવની સ્વતંત્રતાની 60મી વર્ષગાંઠ પર

આયોજિત, ઉજવણીમાં 'ગેસ્ટ ઓફ ઓનર' તરીકે હાજરી

આપશે. આ દરમિયાન, તેઓ દ્વિપક્ષીય

મુદ્દાઓ પર રાષ્ટ્રપતિ મુઇઝુ સાથે વાતચીત કરશે અને 'ભારત-માલદીવ્સ સંયુક્ત વિઝન ફોર

કોમ્પ્રીહેન્સિવ ઇકોનોમિક એન્ડ મેરીટાઇમ સિક્યુરિટી પાર્ટનરશિપ' ની પ્રગતિની પણ

સમીક્ષા કરશે. આ વિઝન ઓક્ટોબર 2024 માં રાષ્ટ્રપતિ મુઇઝુની ભારત મુલાકાત દરમિયાન નક્કી

કરવામાં આવ્યું હતું.

એવું કહેવામાં આવ્યું હતું કે,” માલદીવ ભારતની 'નેબરહુડ ફર્સ્ટ' નીતિ અને 'વિઝન ઓશન' માં વિશેષ સ્થાન

ધરાવે છે. પ્રધાનમંત્રીની આ મુલાકાત બંને દેશો વચ્ચે સહયોગને વધુ ગાઢ બનાવવા માટે

એક મહત્વપૂર્ણ તક સાબિત થશે.”

હિન્દુસ્થાન સમાચાર / સુશીલ કુમાર / સુનિલ સક્સેના

હિન્દુસ્થાન સમાચાર / માધવી વ્યાસ