મહેસાણા, 22 જુલાઈ (હિ.સ.) : વિસનગર તાલુકા પંચાયત કચેરી ખાતે 28 જુલાઈ 2025થી નવું જનસેવા કેન્દ્ર કાર્યરત થનાર છે. હવે તાલુકાના ગ્રામ્ય વિસ્તારોના નાગરિકોને દાખલા કે અન્ય પ્રમાણપત્ર મેળવવા શહેર સુધી repeatedly ધકેલા ખાવા નહીં પડે.
હાલમાં ગ્રામ્ય નાગરિકો વિસનગરની તાલુકા સેવા સદન કે મામલતદાર કચેરીના જનસેવા કેન્દ્ર સુધી જવામાં સમય અને ખર્ચ બન્ને ગુમાવતા હતા. નવી વ્યવસ્થા હેઠળ તે જ સેવાઓ હવે તાલુકા પંચાયત કચેરી ખાતે સરળતાથી મળી રહેશે.
આ નવા કેન્દ્રમાં આધુનિક સુવિધાઓ ઉપલબ્ધ છે અને ગ્રામ્ય નાગરિકોની જરૂરિયાતોને ધ્યાનમાં રાખી કામગીરી થશે.
મામલતદાર એ.ડી. ચૌધરીએ જણાવ્યું હતું કે વિસનગર શહેર અને કાંસા વિસ્તારોના નાગરિકો હમણા જેવું જ જૂનુ જનસેવા કેન્દ્ર ઉપયોગ કરી શકશે, જ્યારે નવું કેન્દ્ર ખાસ ગ્રામ્ય વિસ્તારો માટે કાર્યરત રહેશે.
---------------
હિન્દુસ્થાન સમાચાર / RINKU AMITKUMAR THAKOR
