પોરબંદર,5 ઓગસ્ટ (હિ.સ.)નારી વંદન ઉત્સવ અંતર્ગત મહિલા અને બાળ વિકાસ વિભાગ ગાંધીનગરના માર્ગદર્શન મુજબ નારી વંદન સપ્તાહની ઉજવણી કરવામાં આવી રહી છે. પોરબંદર જિલ્લા કક્ષાએ વિવિધ કાર્યક્રમો યોજવામાં આવી રહ્યા છે. નારી વંદન સપ્તાહ ઉજવણી અંતર્ગત “બેટી બચાઓ બેટી પઢાઓ દિવસ ”ઉજવવામાં આવ્યો હતો. પોરબંદર શહેરમાં આવેલ સરકારી આદર્શ નિવાસી કન્યા શાળા ખાતે વિદ્યાર્થીની બહેનોને કાયદાકીય માર્ગદર્શન આપવામાં આવ્યું હતું.આ કાર્યક્રમમાં જિલ્લા મહિલા અને બાળ અધિકારી એચ.બી. ટાઢાણી દ્વારા આ કાર્યક્રમની રૂપરેખા આપવામાં આવી હતી તેમજ તમામ કિશોરીઓને પ્રોત્સાહન પૂરું પાડવામાં આવ્યું હતું. સખી વન સ્ટોપ સેન્ટરના રાજીબેન દ્વારા સખી વન સ્ટોપ સેન્ટર પર બહેનોને મળતી સહાય તેમજ સેન્ટરની કામગીરી વિશે વિસ્તૃત માહિતી આપી હતી તેમજ બાળ સુરક્ષા એકમના કર્મચારીશ્રી રૂપલબેન ભટ્ટ દ્વારા POCSO એક્ટ, બાળલગ્ન વિશે વિસ્તૃત જાણકારી આપવામાં આવી હતી અને વિવિધ બાળ સુરક્ષા એકમની વિવિધ યોજનાઓ વિશે માહિતી આપવામા આવી હતી.
181 મહિલા હેલ્પલાઈન,મહિલા અને બાળ અધિકારીની કચેરીની વિવિધ મહિલાલક્ષી યોજનાઓ જાણકારી અને તમામ કિશોરીઓને “બેટી બચાવો બેટી પઢાવો” યોજના અંતર્ગત મેન્સ્યુલહાયજીનની બુકલેટ તેમજ શાળા માટે મોમેન્ટો રૂપે બેટી બચાવો બેટી પઢાવો યોજના અન્વયે દીવાલ ધડીયાળ આપવામાં આવી હતી. હાયજીન વિતરણ કરાયું હતું તેમજ શૈક્ષણિક કીટ, પેમ્પલેટ વિતરણ કરવામાં આવ્યું હતું.આ પ્રસંગે સરકારી આદર્શ નિવાસી કન્યા શાળાના આચાર્ય, શિક્ષિકા બહેનો, બાળ સુરક્ષા એકમ કચેરીના રૂપલબેન, જિલ્લા મહિલા અને બાળ અધિકારીની કચેરી હસ્તકનો તમામ સ્ટાફ તેમજ બહોળી સંખ્યામાં કિશોરીઓ ઉપસ્થિત રહ્યાં હતા.
---------------
હિન્દુસ્થાન સમાચાર / Tejas Pravinbhai Dholariya
