પોરબંદર, 5 ઓગસ્ટ (હિ.સ.)પોરબંદરમાં નારી વંદન ઉત્સવની ઉજવણીના ભાગરૂપે “બેટી બચાઓ, બેટી પઢાઓ દિવસની ઉજવણી અંતર્ગત જુવેનાઈલ જસ્ટિસ બોર્ડના હોલ, સેવા સદન-2 પોરબંદર ખાતે જિલ્લા મહિલા અને બાળ અધિકારીના હસ્તે કચેરી ખાતે પોરબંદર તાલુકાના વ્હાલી દીકરી યોજનાના ૪૨ લાભાર્થીઓને મંજુરી આદેશનું વિતરણ કરવામાં આવ્યું હતું.
જિલ્લા મહિલા અને બાળ અધિકારી હંસાબેન ટાઢાણીએ તમામ લાભાર્થી દીકરીઓને અને તેના વાલીને શુભેચ્છાઓ પાઠવી હતી. તેમજ સરકારની વિવિધ યોજનાઓનો લાભ લેવા અને લેવડાવવા માટે અપીલ કરી હતી.જિલ્લા મહિલા અને બાળ અધિકારી હંસાબેન ટાઢાણી અને ફિલ્ડ ઓફિસરશ્રી ભાવેશભાઈના હસ્તે વ્હાલી દીકરી યોજનાના લાભાર્થીઓને મંજુરી હુકમનું વિતરણ કરવામાં આવ્યા હતા. અને યોજનાની વિસ્તૃત માહિતી તેમજ સહાય અને વિવિધ મહિલાલક્ષી યોજનાઓ વિશે વિસ્તૃત માહિતી આપવામાં આવી હતી તેમજ મહિલા હેલ્પલાઈનની મોબાઈલની એન્ડ્રોઈડ એપ્લિકેશન ત્યાં હાજર બહેનોને ઇન્સ્ટોલ કરાવવામા આવી હતી.
---------------
હિન્દુસ્થાન સમાચાર / Tejas Pravinbhai Dholariya
