નવી દિલ્હી, 6 ઓગસ્ટ (હિ.સ.) સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ) એ, ભ્રષ્ટાચાર સામે મોટી કાર્યવાહી કરી અને દિલ્હી પોલીસના એક સબ ઇન્સ્પેક્ટર (એસઆઈ) ને 40 હજાર રૂપિયાની લાંચ લેતી વખતે રંગે હાથે ધરપકડ કરી. આ મામલો ઉત્તર દિલ્હીના એક પોલીસ સ્ટેશનનો છે, જ્યાં ત્યાં તૈનાત એસઆઈ વિજય સિંહ પર એક વ્યક્તિ પાસેથી તેના પિતરાઈ ભાઈની ધરપકડ ન કરવા અને તેને આગોતરા જામીન મેળવવામાં, મદદ કરવાના બદલામાં 50 હજાર રૂપિયાની લાંચ માંગવાનો આરોપ છે.

સીબીઆઈના જણાવ્યા અનુસાર, ફરિયાદ મળતાં સીબીઆઈએ, 5 ઓગસ્ટના રોજ એસઆઈ વિજય સિંહ સામે કેસ નોંધ્યો અને તપાસ શરૂ કરી. એવો આરોપ છે કે, વિજય સિંહ ફરિયાદી સાથે 40 હજાર રૂપિયામાં સોદો કરવા સંમત થયા હતા. આ પછી, સીબીઆઈએ છટકું ગોઠવ્યું અને તે જ દિવસે, એટલે કે 5 ઓગસ્ટના રોજ ફરિયાદી પાસેથી લાંચ લેતી વખતે આરોપીને રંગે હાથે પકડી લીધો. કેસની વધુ તપાસ ચાલુ છે. સીબીઆઈ અધિકારીઓએ જણાવ્યું કે, ઘટનાની વધુ તપાસ ચાલી રહી છે.

હિન્દુસ્થાન સમાચાર / પ્રશાંત શેખર / પવન કુમાર

હિન્દુસ્થાન સમાચાર / ડો.હિતેશ એન.વ્યાસ