ઉત્તરકાશી, નવી દિલ્હી, 6 ઓગસ્ટ (હિ.સ.) સતત ભારે વરસાદને કારણે, ગંગોત્રી હાઇવે ડબરાની, પાપડ ગાડ, સોનગઢ પાસે ધોવાઈ ગયો છે. આ કારણે રોડ ટ્રાફિક ખોરવાઈ ગયો છે. ધરાલી બચાવ કામગીરી માટે જતી ટીમો ત્યાં પહોંચી શકતી નથી. અધિકારીઓ અધવચ્ચે ફસાઈ ગયા છે.

અહીં, પરિસ્થિતિનો ખ્યાલ લીધા પછી, બીઆરઓ એ શક્ય તેટલી વહેલી તકે રસ્તો પુનઃસ્થાપિત કરવાનું કામ શરૂ કર્યું છે.

જિલ્લા ઓપરેશન સેન્ટર ઉત્તરકાશીએ જણાવ્યું હતું કે, ગંગોત્રી રાષ્ટ્રીય ધોરીમાર્ગ ખોલવા માટે સમયમર્યાદા વિશે કંઈ કહી શકાય નહીં. હાઇવે ત્રણ જગ્યાએ ધોવાઈ ગયો છે. જેના કારણે ધારાલી જતી બચાવ ટીમ અને અધિકારીઓ અધવચ્ચે અટવાઈ ગયા છે.

ઉલ્લેખનીય છે કે, ધરાલી હર્ષિલ, ઉત્તરકાશીથી લગભગ 80 કિમી દૂર છે. ભટવાડીથી 40 કિમીની અંદર ત્રણ જગ્યાએ હાઇવે ધોવાઈ ગયો છે. અત્યંત પ્રતિકૂળ હવામાનને કારણે, ધરાલી બચાવ કામગીરી માટે હેલિકોપ્ટરનો કોઈ વિકલ્પ નથી.

ખરાબ હવામાનને કારણે, દહેરાદૂનથી હેલિકોપ્ટર ઉડાન ભરી શકતા નથી.

જિલ્લા વહીવટીતંત્રે ધરાલી બચાવ કામગીરી માટે વાયુસેના પાસેથી એમઆઈ-17 અને ચિનૂક કાર્ગો વિમાનની મદદ માંગી હતી, પરંતુ ખરાબ હવામાનને કારણે તે શક્ય બન્યું નથી.

મંગળવારે ઉત્તરકાશીના ધરાલી ગામ તરફ એક ટેકરીથી ખીર ગંગામાં પાણીનો પ્રવાહ માત્ર 30 સેકન્ડમાં ઘણા ઘરોને વહાવી ગયો. આ ભયાનક દ્રશ્ય એક પ્રત્યક્ષદર્શીએ પોતાના ફોન પર કેદ કર્યું છે.

જિલ્લા વહીવટીતંત્રે ધરાલી પૂરમાં, અત્યાર સુધીમાં 4 લોકોના મોતની પુષ્ટિ કરી છે, જ્યારે ડઝનબંધ લોકો ગુમ છે.

હિન્દુસ્થાન સમાચાર / ચિરંજીવ સેમવાલ / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ