ભાવનગર, 21 મે (હિ.સ.) : યાત્રિયોની સુવિધા અને સુરક્ષિત રેલ સંચાલન સુનિશ્ચિત કરવા માટે પૂર્વોત્તર રેલવેના વારાણસી મંડળ હેઠળ ઉનૌલા–પિપરાઇચ રેલખંડ વચ્ચે પેચ ડબલિંગ કામ તેમજ પ્રી-નોન ઇન્ટરલોકિંગ (Pre-NI) અને નોન ઇન્ટરલોકિંગ (NI) કામગીરી હાથ ધરવામાં આવશે. આ કામગીરીને કારણે પશ્ચિમ રેલવે દ્વારા સંચાલિત ટ્રેન નંબર 19269/19270 પોરબંદર–મુઝફ્ફરપુર–પોરબંદર એક્સપ્રેસ નિર્ધારિત તારીખોએ પરિવર્તિત માર્ગથી ચાલશે.

વરિષ્ઠ મંડળ વાણિજ્ય પ્રબંધક અતુલ કુમાર ત્રિપાઠીએ માહિતી આપતાં જણાવ્યું કે ટ્રેન નંબર 19269 પોરબંદર–મુઝફ્ફરપુર એક્સપ્રેસ તા. 5 જૂન, 2026ના રોજ તેના નિર્ધારિત માર્ગ ગોરખપુર–પનિયહવા–નરકટિયાગંજ–મુઝફ્ફરપુરના બદલે ગોરખપુર–ભટની–છપરા ગ્રામિણ–મુઝફ્ફરપુર માર્ગથી ચાલશે. આ દરમિયાન આ ટ્રેન નીચેના સ્ટેશનો પર રોકાશે નહીં: સિસવા બાજાર, બગહા, નરકટિયાગંજ, બેતિયા, સુગૌલી, બાપુધામ મોતીહારી, ચકિયા અને મેહસી. ટ્રેન નંબર 19270 મુઝફ્ફરપુર–પોરબંદર એક્સપ્રેસ તા. 24 મે, 31 મે, 1 જૂન, 7 જૂન અને 8 જૂન, 2026ના રોજ તેના નિર્ધારિત માર્ગ મુઝફ્ફરપુર–નરકટિયાગંજ–પનિયહવા–ગોરખપુરના બદલે મુઝફ્ફરપુર–છપરા ગ્રામિણ–ભટની–ગોરખપુર માર્ગથી ચાલશે. આ દરમિયાન આ ટ્રેન નીચેના સ્ટેશનો પર રોકાશે નહીં: મહેસી, ચકિયા, બાપુધામ મોતીહારી, સુગૌલી, બેતિયા, નરકટિયાગંજ, બગહા અને સિસવા બાજાર.

રેલવે પ્રશાસન મુસાફરોને વિનંતી કરે છે કે મુસાફરી શરૂ કરતા પહેલાં પોતાની ટ્રેનની નવીનતમ માહિતી માટે NTES (National Train Enquiry System) અથવા વેબસાઇટ www.enquiry.indianrail.gov.in નો ઉપયોગ કરે.

---------------

હિન્દુસ્થાન સમાચાર / ભરતસિંહ જાદવ