નવી દિલ્હી, 22 મે (હિ.સ.) : નોર્વેએ ગુરુવારે ફિફા વર્લ્ડ કપ 2026 માટે તેમની 26 સભ્યોની ટીમની જાહેરાત કરી છે. ટીમનું નેતૃત્વ પ્રીમિયર લીગ ચેમ્પિયન આર્સેનલના સ્ટાર મિડફિલ્ડર માર્ટિન ઓડેગાર્ડ કરશે, જ્યારે માન્ચેસ્ટર સિટીના સ્ટ્રાઈકર એર્લિંગ હાલાન્ડ પણ ટીમનો ભાગ છે.

યુવા ગોલકીપર સેન્ડર તાંગવિકની પસંદગીની સૌથી વધુ ચર્ચા થઈ હતી. હેમ્બર્ગ એસ. વી. ના આ અનકેપ્ડ ગોલકીપરને નોર્વેની ટીમમાં છેલ્લું સ્થાન મળ્યું. 23 વર્ષીય તાંગવિકને પ્રથમ વખત રાષ્ટ્રીય ટીમમાં પસંદ કરવામાં આવ્યો છે.

લાંબા સમયથી ગોલકીપરની પસંદગી અંગે અટકળો ચાલી રહી હતી. એસ. કે. બ્રાન ગોલકીપર મેથિયાસ ડિંગલેન્ડ ઇજાગ્રસ્ત થયો હતો, જ્યારે ફિફાએ બોડો/ગ્લિમ્ટ ગોલકીપર નિકિતા હિકિનની રાષ્ટ્રીયતા બદલવાની વિનંતીને નકારી કાઢી હતી. ત્યારબાદ તાંગવિકને ટીમમાં સ્થાન મળ્યું હતું.

2026ના વર્લ્ડ કપમાં નોર્વેને ગ્રુપ-1માં રાખવામાં આવ્યું છે. આ જૂથમાં ફ્રાન્સ, સેનેગલ અને ઇરાક જેવી મજબૂત ટીમો પણ સામેલ છે. તેને ટૂર્નામેન્ટનું ગ્રુપ ઓફ ડેથ માનવામાં આવી રહ્યું છે.

2026 વર્લ્ડ કપ માટે નોર્વેની ટીમ જાહેર

ગોલકીપરઃ

ઓર્જન હાસ્કજોલ્ડ નાયલેન્ડ, એગિલ સેલ્વિક, સેન્ડર તાંગવિક

ડિફેન્ડર:

જુલિયન રાયર્સન, માર્કસ હોલ્મગ્રેન પેડરસન, ડેવિડ મોલર વોલ્ફ, ફ્રેડરિક બ્યોર્કન, ક્રિસ્ટોફર એગર, ટોર્બજોર્ન હેગેમ, લિયો સ્કિરી ઓસ્ટીગાર્ડ, સોન્ડ્રે લેંગસ, હેનરિક ફાલ્ચેનર

મિડફિલ્ડરઃ

માર્ટિન ઓડેગાર્ડ, સેન્ડર બર્જ, ફ્રેડરિક ઓર્ન્સ, પેટ્રીક બર્ગ, ક્રિસ્ટિયન થોર્સ્ટવેટ, મોર્ટેન થોર્સબી, થેલો આસગાર્ડ

ફોરવર્ડ :

એર્લિંગ હાલાન્ડ, એલેક્ઝાન્ડર સોરલોથ, જોર્ગન સ્ટ્રાન્ડ લાર્સન, એન્ટોનિયો નૂસા, ઓસ્કાર બોબ, એન્ડ્રેસ શ્જેલ્ડેરુપ, જેન્સ પેટર હૌગી.

હિન્દુસ્થાન સમાચાર/સુનીલ દુબે

હિન્દુસ્થાન સમાચાર / હર્ષ શાહ