પોરબંદર, 12 નવેમ્બર (હિ.સ.) : ગુજરાત સરકારના રમતગમત અને સાંસ્કૃતિક પ્રવૃત્તિ વિભાગ, ગાંધીનગર પ્રેરિત સ્પોર્ટ્સ ઓથોરિટી ઓફ ગુજરાત, ગાંધીનગર દ્વારા આયોજિત તેમજ જિલ્લા પ્રશિક્ષણ કેન્દ્ર, પોરબંદર દ્વારા સંચાલિત ખેલ મહાકુંભ – 2025 અંતર્ગત પોરબંદર તાલુકા કક્ષાની કબ્બડી સ્પર્ધા બિરલા સાગર હાઈસ્કૂલ પોરબંદર ખાતે યોજાઈ હતી. આ કબ્બડી સ્પર્ધામાં અંડર–14, અંડર–17, ઓપન એજ, ભાઈઓ તથા બહેનોની સ્પર્ધાઓ યોજાઈ હતી અને સ્પર્ધામાં કુલ 384 ખેલાડીઓએ — જેમાં 276 ભાઈઓ અને 108 બહેનોનો સમાવેશ થાય છે — ઉત્સાહપૂર્વક ભાગ લીધો હતો. ખેલાડીઓએ રમતની ભાવના સાથે પોતાની પ્રતિભાનું સુંદર પ્રદર્શન કરી ખેલ મહાકુંભની ભાવનાને ઉજાગર કરી હતી.

---------------

હિન્દુસ્થાન સમાચાર / Tejas Pravinbhai Dholariya