- છ મહિના પછી, 'ઉમીદ' પોર્ટલ બંધ, વકફ મિલકતોનો

ડેટા અપલોડ પૂર્ણ

નવી દિલ્હી, 7 ડિસેમ્બર (હિ.સ.) વકફ મિલકતોનું ડિજિટાઇઝેશન અને તેમના

સંચાલનમાં પારદર્શિતા સુનિશ્ચિત કરવાના ઉદ્દેશ્યથી લઘુમતી બાબતોના મંત્રાલય દ્વારા

શરૂ કરાયેલ, મહત્વાકાંક્ષી 'ઉમીદ' પોર્ટલ, નિર્ધારિત સમયમર્યાદા પૂર્ણ થયા પછી સત્તાવાર રીતે બંધ

કરવામાં આવ્યું છે. આ નિર્ણય સુપ્રીમ કોર્ટના નિર્દેશો અને ઉમીદ અધિનિયમ, 1995 અનુસાર લેવામાં

આવ્યો હતો.

કેન્દ્રીય લઘુમતી બાબતોના મંત્રી કિરેન રિજિજુએ 6 જૂન, 2025 ના રોજ પોર્ટલ

શરૂ કર્યું. નિર્ધારિત છ મહિનાનો સમયગાળો પૂર્ણ થયા પછી, 6 ડિસેમ્બર, 2025 ના રોજ તેને

ઔપચારિક રીતે બંધ કરવામાં આવ્યું.

મંત્રાલયના જણાવ્યા અનુસાર,”રાજ્યો સાથે સતત

સંકલન, સમીક્ષા બેઠકો, તાલીમ કાર્યક્રમો

અને સચિવ-સ્તરના હસ્તક્ષેપોને કારણે અંતિમ તબક્કામાં પોર્ટલ પર રેકોર્ડ સ્તરે વકફ

મિલકતનો ડેટા અપલોડ કરવામાં આવ્યો.”

પોર્ટલ પર નોંધાયેલા તાજેતરના ડેટા અનુસાર, અપલોડ કરાયેલી

વકફ મિલકતોની કુલ સંખ્યા 517,040 છે, જેમાં 216,905 મંજૂર મિલકતો, 213,941 મિલકતો

પ્રક્રિયા/સબમિટ હેઠળ અને 10,869 નકારાયેલી

મિલકતો (ચકાસણી હેઠળ)નો સમાવેશ થાય છે.

પોર્ટલના લોન્ચ દરમિયાન, મંત્રાલયના સચિવ ડૉ. ચંદ્રશેખર કુમારે રાજ્યો અને

કેન્દ્રશાસિત પ્રદેશો સાથે 20 થી વધુ સમીક્ષા બેઠકો યોજી હતી. મંત્રાલયે જણાવ્યું હતું

કે,” આ સિદ્ધિ વકફ મિલકતોના ડિજિટલ, પારદર્શક અને સંકલિત સંચાલન તરફ એક મહત્વપૂર્ણ પગલું છે.”

રાષ્ટ્રીય સ્તરે આ અભિયાનની સફળતા સુનિશ્ચિત કરવા માટે

રાજ્યોને નિયમિત તાલીમ સત્રો, વર્કશોપ અને તકનીકી સહાય પૂરી પાડવામાં આવી હતી. દિલ્હીમાં

બે દિવસીય માસ્ટર ટ્રેનર વર્કશોપ સહિત સાત પ્રાદેશિક બેઠકો પણ યોજાઈ હતી. આ ઉપરાંત, તકનીકી સમસ્યાઓના

ઉકેલ માટે મંત્રાલયમાં એક ખાસ હેલ્પલાઇન પણ શરૂ કરવામાં આવી હતી.

હિન્દુસ્થાન સમાચાર / શ્રદ્ધા દ્વિવેદી / ઉદય કુમાર સિંહ

હિન્દુસ્થાન સમાચાર / માધવી વ્યાસ