ઇમ્ફાલ,નવી દિલ્હી, 7 ડિસેમ્બર

(હિ.સ.) મણિપુરમાં ખંડણી અને આતંકવાદી પ્રવૃત્તિઓ પર મોટી કાર્યવાહીમાં, સુરક્ષા દળો અને

રાજ્ય પોલીસે છેલ્લા 24 કલાકમાં સંયુક્ત

કાર્યવાહી હાથ ધરી, વિવિધ આતંકવાદી

સંગઠનો સાથે જોડાયેલા 11 કાર્યકરોની

ધરપકડ કરી. ઇમ્ફાલ પશ્ચિમ,

થૌબલ, બિષ્ણુપુર અને

કાકચિંગ જિલ્લામાં હાથ ધરવામાં આવેલા, આ ઓપરેશનથી ઘાટીના વિસ્તારોમાં કાર્યરત

નેટવર્કને નબળું પાડવાની વ્યૂહરચના વધુ તીવ્ર કરવામાં આવી છે.

આ ઓપરેશન ઇમ્ફાલ પશ્ચિમમાં શરૂ થયું, જ્યાં સુરક્ષા

દળોએ નાગમપાલ કાંગજાબી લીરાકથી પ્રીપાક (પ્રો)-જી5 જોડાણના કેડર ઇરોમ બોયાઇ સિંહ ઉર્ફે યૈતાનબા (24) ની ધરપકડ કરી. તે

મૂળ બિષ્ણુપુર જિલ્લાના કૈઈબુલ લામજાઓનો રહેવાસી છે અને તેની પાસેથી એક મોબાઇલ ફોન

જપ્ત કરવામાં આવ્યો છે.

થૌબલ જિલ્લામાં, પોલીસે સૈકોન લાબુક વિસ્તારમાંથી કેવાયકેએલકેડર ઉષામ તોમ્બા

સિંહ ઉર્ફે હેઇબ્રા (24) ની ધરપકડ કરી.

તેની પાસેથી એક મોબાઇલ ફોન જપ્ત કરવામાં આવ્યો હતો.

ત્યારબાદ, સુરક્ષા દળોએ હેરોક ગેટ નજીક હેરોક પાર્ટ-II માંથી આરપીએફ/પીએલએ કેડર

થોકચોમ અંગૌસના સિંહ ઉર્ફે સંતોષ (52) ને પકડી લીધો. એક મોબાઇલ ફોન અને સિમ કાર્ડ જપ્ત કરવામાં

આવ્યા.

કાકચિંગ જિલ્લામાં, કેસીપી(એમએફએલ) કેડર કેશમ થમ્બા સિંહ ઉર્ફે પ્રીતમ (32) ને હિયંગલામ

પોલીસ સ્ટેશન વિસ્તાર હેઠળના સેકમાગિન ખોઈદુમમાં તેના ઘરેથી ધરપકડ કરવામાં આવી

હતી.

દરમિયાન, ઇમ્ફાલ પશ્ચિમમાં, પોલીસે મિનુથોંગથી યુએનએલએફ (કોઇરેંગ) ના સક્રિય સભ્ય હિજામ મેરજીત સિંહ

ઉર્ફે ધામેન (51) ની ધરપકડ કરી.

પોલીસના જણાવ્યા અનુસાર, તે જી5 જોડાણના નામે

ઇમ્ફાલ-ડીમાપુર હાઇવે પર ટ્રક ડ્રાઇવરો પાસેથી પૈસા પડાવવામાં સામેલ હતો. એક

મોબાઇલ ફોન જપ્ત કરવામાં આવ્યો હતો.

થૌબલ જિલ્લામાં પણ, યુએનએલએફ (કોઇરેંગ) ના અન્ય એક ખંડણીખોર, સોઇબામ બસંત સિંહ

ઉર્ફે સમથાબા (37) ને લાઇફ્રાકપામ

મામાંગ લેઇકાઇથી ધરપકડ કરવામાં આવી હતી. તેની પાસેથી એક મોબાઇલ ફોન અને સિમ કાર્ડ

જપ્ત કરવામાં આવ્યા હતા.

યૈરીપોક પોલીસ સ્ટેશન વિસ્તારમાં અન્ય એક મહત્વપૂર્ણ

કાર્યવાહીમાં, બે કેસીપી

(અપુન્બા) કેડર - કોન્સમ અનો સિંઘ (26) અને ખોઈરામ લાંગમ્બા મેતેઈ (27) - ની ધરપકડ કરવામાં આવી હતી. તેમની પાસેથી એક

કાર્બાઇન એસએમજી, બે ખાલી મેગેઝિન, એક મોબાઇલ ફોન

અને એક ટુ-વ્હીલર જપ્ત કરવામાં આવ્યું હતું.

પ્રેપક કેડર થોકચોમ સુશીલકુમાર ઉર્ફે અમો (34) ને બિષ્ણુપુર

જિલ્લાના તેરા ઉરક ચેકિંગ પોઈન્ટ પર ધરપકડ કરવામાં આવી હતી.

ઇમ્ફાલ પશ્ચિમ પોલીસે લમ્બોઈખોંગનાંગખોંગથી બીજા કેસીપી

(અપુનબા) કેડર, સિનમ દેવેન સિંઘ

(25) ની ધરપકડ કરી હતી

અને તેની પાસેથી એક મોબાઇલ ફોન અને બે સિમ કાર્ડ જપ્ત કર્યા હતા.

એક દિવસ પહેલા, કેસીપી (તૈબાંગનબા) કેડર વાંગખેમ ચિંગલેન સિંઘ (29) ને કાકચિંગ લમખાઈ

વિસ્તારમાં ભારત-બર્મા સુગનુ રોડ પર ધરપકડ કરવામાં આવી હતી. તેની પાસેથી એક મોબાઇલ

ફોન અને એક ડીઝલ ઓટો જપ્ત કરવામાં આવી હતી.

અધિકારીઓએ જણાવ્યું હતું કે,” ધરપકડોની શ્રેણી ખંડણી

નેટવર્કને તોડી પાડવા, આતંકવાદી ભંડોળને

વિક્ષેપિત કરવા અને સક્રિય કાર્યકરોને બેઅસર કરવાની કડક વ્યૂહરચનાનો ભાગ છે.” બધા

કિસ્સાઓમાં તપાસ ચાલુ છે. ...

હિન્દુસ્થાન સમાચાર / શ્રીપ્રકાશ / અમરેશ દ્વિવેદી

હિન્દુસ્થાન સમાચાર / માધવી વ્યાસ