પોરબંદર, 20 જુલાઈ (હિ.સ.) : પોરબંદર જિલ્લા રોજગાર વિનિમય કચેરી દ્વારા નવયુગ હાઈસ્કુલ, પોરબંદર ખાતે ઓદ્યોગિક ભરતીમેળાનું આયોજન કરવામાં આવ્યુ હતું.ભરતીમેળામાં ઉમેદવારોના સ્થાનિક નોકરીદાતા નામ-ધ ડિઝાઈન પોઈન્ટ, અતુલ મોટર્સ, એલ.આઈ.સી ઓફ ઇંડિયા તેમજ રાજકોટ જિલ્લાની બોનાનઝા લુક્ષ સલુનના નોકરીદાતાના દ્વારા તેમના એકમ તેમજ સંસ્થા ખાતે ખાલી જગ્યા માટેની જોબ પ્રોફાઈલ વિશે ઉમેદવારોને વિસ્તૃત માહિતી આપી હતી અને ઉપસ્થિત રહેલા 51 ઉમેદવારો માટે ઈન્ટરવ્યું પ્રક્રિયા હાથ ધરવામાં આવી હતી. જેમાં ઉમેદવારોની શૈક્ષણિક લાયકાત, વય મર્યાદા, અનુભવ તથા આવડતના આધારે 37 ઉમેદવારોની પ્રાથમિક પસંદગી કરવામાં આવી હતી, અને તેમને ફરી બીજા રાઉન્ડ માટે બોલાવવામાં આવશે.

તદુપરાંત રોજગાર કચેરીનાં કાઉન્સેલરઓ દ્વારા ઉમેદવારોને કારકિર્દી માર્ગદર્શન તથા મોડેલ કેરિયર સેન્ટર અને એન.સી.એસ પોર્ટલનું પ્રચાર પ્રસાર કરવામાં આવ્યું હતું. આ ભરતીમેળમાં જિલ્લાના 1000 થી વધુ ઉમેદવારોને ઈ-મેલ અને સોશિયલ મિડિયાના જુદા-જુદા માધ્યમથી ઈન્ટરવ્યું પ્રક્રિયા માટે બોલાવવામાં આવ્યા હતા.

---------------

હિન્દુસ્થાન સમાચાર / Tejas pravinbhai dholariya