ડિઝનીની બહુ અપેક્ષિત લાઇવ-એક્શન ફિલ્મ મોઆના 10 જુલાઈના રોજ અંગ્રેજી અને હિન્દીમાં થિયેટરમાં રજૂ થવાની તૈયારીમાં છે. પોતાની સફરને યાદ કરતાં ફિલ્મમાં મોઆનાની ભૂમિકા ભજવનાર 19 વર્ષીય અભિનેત્રી કેથરિન લગૈયાએ કહ્યું કે આ ફિલ્મે તેમને માત્ર વધુ સારી અભિનેત્રી જ નહોતી બનાવી પરંતુ પોતાને વિશ્વાસ કરવાનું પણ શીખવ્યું.
મોઆનાની જેમ, તેમણે કહ્યું હતું કે, તેઓ ભયને દૂર કરીને દરેક નવી તકને સ્વીકારવાનું શીખ્યા હતા.
કેથરિને સમજાવ્યું કે ફિલ્મમાં દાદી તાલાનો મોઆનાને સંદેશ, રીફથી આગળ વધવું, તેના જીવનમાં પણ એક મુખ્ય પાઠ બની ગયો. તેમના જણાવ્યા અનુસાર, ઘણી વખત જીવન આપણને એવી તકો આપે છે જે આપણને નર્વસ બનાવે છે, પરંતુ તે તકો આપણને આપણા સાચા લક્ષ્ય તરફ દોરી જાય છે.
તેણે કહ્યું કે શરૂઆતમાં તે ખૂબ જ નર્વસ હતી, પરંતુ આ યાત્રાએ તેને વધુ આત્મવિશ્વાસ અને હિંમતવાન બનાવી દીધી.
ઓસ્કાર-નામાંકિત એનિમેટેડ ફિલ્મનું આ લાઇવ-એક્શન રૂપાંતરણ થોમસ કેલ દ્વારા નિર્દેશિત છે, જ્યારે ફિલ્મના નિર્માતાઓ ડ્વેન જોહ્ન્સન, ડેની ગાર્સિયા, બ્યુ ફ્લિન, હિરામ ગાર્સિયા અને લિન-મેન્યુઅલ મિરાન્ડા છે. લિન-મેન્યુઅલ મિરાન્ડા, ઓપેટાયા ફોઈ અને માર્ક માન્ચિનાનું સંગીત ધરાવતી 'મોઆના 10 જુલાઈ, 2026થી સમગ્ર ભારતના સિનેમાઘરોમાં રજૂ થશે.
હિન્દુસ્થાન સમાચાર/લોકેશ ચંદ્ર દુબે/રામાનુજ શર્મા
હિન્દુસ્થાન સમાચાર / હર્ષ શાહ
