હવાના, નવી દિલ્હી, 12 ઓક્ટોબર (હિ.સ.)

ક્યુબાના વિદેશ મંત્રાલયે શનિવારે જણાવ્યું હતું કે,” યુક્રેનમાં ક્યુબાના સૈનિકો

લડી રહ્યા હોવાનો અમેરિકાનો દાવો પાયાવિહોણો છે.” પહેલી વારમંત્રાલયે,

યુક્રેનિયન યુદ્ધમાં ભાડૂતી સૈનિકો તરીકે ભાગ લેવાના આરોપમાં ક્યુબાના નાગરિકોને

સંડોવતા કાનૂની કેસોની માહિતી જાહેર કરી.

વિદેશ મંત્રાલયના નિવેદન અનુસાર,” 2023 અને 2025 ની વચ્ચે, ભાડૂતી સૈનિકો

હોવાના આરોપમાં 40 આરોપીઓ સામે

ક્યુબાની અદાલતોમાં નવ ફોજદારી કેસ દાખલ કરવામાં આવ્યા હતા. આમાંથી આઠ કેસ

ચલાવવામાં આવ્યા હતા, જેમાં પાંચ

કેસમાં 26 દોષિત ઠેરવવામાં

આવ્યા હતા. સજા 5 થી 14 વર્ષની જેલની

સજા છે. એક કેસ ટ્રાયલ પેન્ડિંગ છે, અને ત્રણ કેસ કોર્ટના નિર્ણયો પેન્ડિંગ છે.”

ક્યુબાએ સ્પષ્ટતા કરી હતી કે,” તે યુક્રેનમાં કોઈપણ લશ્કરી

સંઘર્ષમાં ભાગ લઈ રહ્યું નથી, કે તે સૈનિકો મોકલી રહ્યું નથી.” મંત્રાલયે કહ્યું, અમને ખબર નથી કે

બંને બાજુ કેટલા ક્યુબાના નાગરિકો સામેલ છે, પરંતુ અમારી નીતિ એ છે કે, દુશ્મનાવટમાં જોડાવા અથવા અન્ય

કોઈ દેશમાં ભાડૂતી સૈનિકો તરીકે સેવા આપવા માટે કોઈ સહનશીલતા નથી.

ખરેખર, યુએસ સ્ટેટ ડિપાર્ટમેન્ટે તાજેતરમાં એક રાજદ્વારી નોંધ જારી

કરી હતી જેમાં જણાવાયું હતું કે,” ક્યુબન સૈનિકો યુક્રેનમાં રશિયા સાથે લડી રહ્યા

છે, અને ઉત્તર કોરિયા

પછી ક્યુબા સૌથી વધુ વિદેશી સૈનિકોનું યોગદાન આપનાર દેશ છે. નોંધમાં અંદાજ છે કે 1,000 થી 5,000 ક્યુબન સૈનિકો

રશિયા સાથેના યુદ્ધમાં છે.”

જોકે, ક્યુબાએ આ વાતને સખત રીતે નકારી કાઢી હતી, અને કહ્યું હતું

કે,” તે યુએન શાંતિ વાટાઘાટો અને વૈશ્વિક સુરક્ષા પ્રયાસોને સમર્થન આપે છે અને

દેશની નીતિ કોઈપણ વિદેશી સંઘર્ષમાં ભાગ લેવાની વિરુદ્ધ છે.”

આ દરમિયાન, યુએન જનરલ એસેમ્બલી આ મહિને ક્યુબા પરના યુએસના દાયકાઓ જૂના

આર્થિક પ્રતિબંધને સમાપ્ત કરવા માટે બિન-બંધનકર્તા ઠરાવ પર મતદાન કરવા માટે તૈયાર

છે, જે 1992 થી દર વર્ષે

ભારે સમર્થન સાથે પસાર કરવામાં આવે છે. જોકે, જનરલ એસેમ્બલીએ ગયા વર્ષે આ ઠરાવ અપનાવ્યો હતો, જેમાં 187 દેશોએ તરફેણમાં

મતદાન કર્યું હતું. ફક્ત યુનાઇટેડ સ્ટેટ્સ અને ઇઝરાયલે તેની વિરુદ્ધ મતદાન કર્યું

હતું, જ્યારે મોલ્ડોવા

ગેરહાજર રહ્યા હતા.

હિન્દુસ્થાન સમાચાર / આકાશ કુમાર રાય

હિન્દુસ્થાન સમાચાર / માધવી વ્યાસ