નવી દિલ્હી, 17 નવેમ્બર (હિ.સ.). વિદેશ મંત્રી ડૉ. એસ. જયશંકરે, સાઉદી અરેબિયામાં મદીના નજીક ભારતીય યાત્રાળુઓને લઈ જતી બસના અકસ્માત પર દુઃખ વ્યક્ત કર્યું. ઘણી મહિલાઓ અને બાળકોના મોતની આશંકા છે. તેમણે જણાવ્યું કે રિયાધ અને જેદ્દાહમાં અમારા દૂતાવાસો અસરગ્રસ્ત પરિવારોને મદદ કરી રહ્યા છે. જેદ્દાહમાં ભારતીય મહાવાણીજ્ય દુતાવાસે એક કંટ્રોલ રૂમ બનાવ્યો છે.

જયશંકરે એક એક્સ-પોસ્ટમાં કહ્યું, સાઉદી અરેબિયાના મદીનામાં ભારતીય નાગરિકો સાથે થયેલા અકસ્માતે ઊંડો આઘાત પહોંચાડ્યો છે. રિયાધમાં અમારું દૂતાવાસ અને જેદ્દાહમાં મહાવાણીજ્ય દુતાવાસે આ અકસ્માતથી પ્રભાવિત ભારતીય નાગરિકો અને તેમના પરિવારોને સંપૂર્ણ સહાય પૂરી પાડી રહ્યા છે.

જેદ્દાહમાં ભારતીય મહાવાણીજ્ય દુતાવાસે શોકગ્રસ્ત પરિવારો પ્રત્યે ઊંડી સંવેદના વ્યક્ત કરી છે. અન્ય એક એક્સ-પોસ્ટ મુજબ, સાઉદી અરેબિયાના મદીના નજીક ભારતીય ઉમરાહ યાત્રાળુઓને લઈને થયેલા બસ અકસ્માતને પગલે, જેદ્દાહમાં ભારતીય મહાવાણીજ્ય દુતાવાસમાં એક કંટ્રોલ રૂમ બનાવ્યો છે. આ રૂમ 24 કલાક કાર્યરત રહેશે. કોઈપણ માહિતી માટે, ટોલ-ફ્રી નંબર 8002440003 પર સંપર્ક કરો.

હિન્દુસ્થાન સમાચાર / મુકુન્દ

હિન્દુસ્થાન સમાચાર / ડો.હિતેશ એન.વ્યાસ