શ્રીનગર, નવી દિલ્હી,20 નવેમ્બર (હિ.સ)

રાષ્ટ્રીય તપાસ એજન્સી (એનઆઈએ) એ ગુરુવારે દિલ્હી બ્લાસ્ટ કેસમાં વધુ ચાર મુખ્ય આરોપીઓની

ધરપકડ કરી, જેનાથી આ કેસમાં

ધરપકડની કુલ સંખ્યા છ થઈ ગઈ.

એનઆઈએ ના પ્રવક્તાએ ગુરુવારે જણાવ્યું હતું કે,” એનઆઈએ એ

પટિયાલા હાઉસ કોર્ટના જિલ્લા સત્ર ન્યાયાધીશના પ્રોડક્શન ઓર્ડર પર શ્રીનગરમાં ચાર

આરોપીઓની અટકાયત કરી હતી. તેઓ પુલવામાના રહેવાસી ડૉ. મુઝમ્મિલ શકીલ ગનાઈ, અનંતનાગના

રહેવાસી ડૉ. અદીલ અહેમદ રાથેર, લખનૌના રહેવાસી ડૉ. શાહીન સઈદ અને શોપિયાના રહેવાસી મુફ્તી

ઈરફાન અહેમદ વાગે છે.”

એનઆઈએએ એક નિવેદનમાં જણાવ્યું હતું કે,” આ બધાએ આતંકવાદી

હુમલામાં મુખ્ય ભૂમિકા ભજવી હતી, જેમાં ઘણા નિર્દોષ લોકો માર્યા ગયા હતા અને ઘણા લોકો ઘાયલ

થયા હતા.”

તપાસ ઝડપી બનાવતી એનઆઈએએ અગાઉ આમિર રશીદ

અલીની ધરપકડ કરી હતી, જેના નામે

વિસ્ફોટમાં વપરાયેલી કાર નોંધાયેલી હતી. આ પછી, આ ઘાતક હુમલામાં સામેલ આતંકવાદીને ટેકનિકલ સહાય પૂરી પાડનાર

જસીર બિલાલ વાની ઉર્ફે દાનિશની ધરપકડ કરવામાં આવી હતી. આ કેસમાં સમગ્ર આતંકવાદી

કાવતરાનો પર્દાફાશ કરવા માટે તેની પૂછપરછ કરવામાં આવી રહી છે.

હિન્દુસ્થાન સમાચાર / બલવાન સિંહ / સુનિત નિગમ

હિન્દુસ્થાન સમાચાર / માધવી વ્યાસ