નવી દિલ્હી, 22 નવેમ્બર (હિ.સ.). પ્રધાનમંત્રી નરેન્દ્ર મોદીના નેતૃત્વ

હેઠળ દિલ્હીમાં યોજાયેલી એશિયન એન્ડ પેસિફિક સેન્ટર ફોર ડેવલપમેન્ટ ઓફ ડિઝાસ્ટર

ઇન્ફર્મેશન મેનેજમેન્ટ (એપીડીએમ) ની સમાવિષ્ટ આપત્તિ જોખમ ડેટા ગવર્નન્સ સમિતિની 10મી બેઠકમાં જોખમ

મૂલ્યાંકન, પ્રારંભિક ચેતવણી

પ્રણાલીઓ, જલવાયુ

સ્થિતિસ્થાપકતા માળખા અને પ્રાદેશિક સહયોગને મજબૂત બનાવવાનો નિર્ણય લેવામાં આવ્યો.

આ બેઠકમાં એશિયા-પેસિફિક ક્ષેત્રમાં આપત્તિ અને જલવાયુ જોખમ ઘટાડવા માટે સંયુક્ત

પ્રયાસોને વધુ મજબૂત બનાવવા પર ભાર મૂકવામાં આવ્યો.

ગૃહ મંત્રાલયના જણાવ્યા અનુસાર,”ભારતીય

પ્રતિનિધિમંડળનું નેતૃત્વ કેન્દ્રીય ગૃહ રાજ્યમંત્રી નિત્યાનંદ રાય દ્વારા કરવામાં

આવ્યું હતું. તેમની સાથે રાષ્ટ્રીય આપત્તિ વ્યવસ્થાપન સત્તામંડળના આપત્તિ

વ્યવસ્થાપન વિભાગના સભ્ય અને વડા રાજેન્દ્ર સિંહ અને એનડીએમએના સચિવ મનીષ ભારદ્વાજ

પણ હતા.”

તેમના ઉદ્ઘાટન સંબોધનમાં, નિત્યાનંદ રાયે જણાવ્યું હતું કે,” ભારત વ્યાપક

ક્ષમતા-નિર્માણ એજન્ડા, ભૂ-અવકાશી તકનીકો, અસર-આધારિત આગાહી, જોખમ મૂલ્યાંકન

અને પ્રારંભિક ચેતવણી પ્રસારને આગળ વધારીને પ્રાદેશિક સ્થિતિસ્થાપકતાને મજબૂત

બનાવશે.” તેમણે જણાવ્યું હતું કે,” આ ભાગીદારી પ્રધાનમંત્રી મોદીના આપત્તિ જોખમ

ઘટાડવા માટેના દસ-મુદ્દાના એજન્ડા પર આધારિત છે, જે સ્થાનિક રોકાણ, ટેકનોલોજીનો

ઉપયોગ, જોખમ ડેટાને

મજબૂત બનાવવા અને પ્રાદેશિક સહયોગને પ્રાથમિકતા આપે છે.”

બેઠકમાં ગયા વર્ષની પ્રવૃત્તિઓ, 2026 માટે પ્રસ્તાવિત

કાર્યક્રમો અને 2026 થી 2030 સુધીના

વ્યૂહાત્મક કાર્ય યોજના પર વિગતવાર ચર્ચા પણ કરવામાં આવી હતી. આ ચર્ચાઓમાંથી તૈયાર

કરાયેલ રોડમેપ એપીડિમના ભાવિ કાર્યને માર્ગદર્શન આપશે અને સેન્ડાઈ ફ્રેમવર્ક અને

ટકાઉ વિકાસ લક્ષ્યો 2030 ને આગળ વધારશે.

સત્રમાં બાંગ્લાદેશ, ઈરાન, માલદીવ્સ, કઝાકિસ્તાન, મંગોલિયા અને તુર્કીના પ્રતિનિધિમંડળોના વડાઓએ હાજરી આપી

હતી.જ્યારે

તાજિકિસ્તાન નિરીક્ષક તરીકે ભાગ લીધો હતો. બેઠકમાં યુએન ઈએસસીએપી વહીવટી નિર્દેશક

સ્ટીફન કૂપર, એપીડિમ નિર્દેશક

લેટીઝિયા રોસ્સાનો, વરિષ્ઠ સંયોજક

મુસ્તફા મોહાંગેઘ અને અન્ય અધિકારીઓ પણ હાજર હતા.

હિન્દુસ્થાન સમાચાર / પ્રશાંત શેખર / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ