આઈઝોલ, નવી દિલ્હી,22 નવેમ્બર (હિ.સ.)

સરહદ સુરક્ષા દળ (બીએસએફ)

તરફથી મળેલી

ગુપ્ત માહિતીના આધારે, બીએસએફઆઈઝોલ અને

એક્સાઈઝ અને નાર્કોટિક્સ વિભાગ, મિઝોરમની સંયુક્ત ટીમે શનિવારે પશ્ચિમ આઈઝોલ વિસ્તારમાં

મોટી સફળતા મેળવી. સંયુક્ત કામગીરી દરમિયાન, ટીમે 5.89 કિલો મેથામ્ફેટામાઇન અને 41 ગ્રામ હેરોઈન જપ્ત કર્યું, જેની કુલ અંદાજિત

કિંમત ₹4.79 કરોડથી વધુ છે.

અધિકારીઓએ જણાવ્યું કે,” ઓપરેશન દરમિયાન બે મ્યાનમાર

નાગરિકો સહિત ચાર ડ્રગ સ્મગલરોની ધરપકડ કરવામાં આવી હતી. તમામ આરોપીઓની અટકાયત

કરવામાં આવી છે અને જરૂરી કાનૂની કાર્યવાહી શરૂ કરવામાં આવી છે.”

બીએસએફ અને રાજ્ય નાર્કોટિક્સ વિભાગે આ સફળ કામગીરીને ડ્રગ હેરફેર

સામે ચાલી રહેલા અભિયાનમાં એક મહત્વપૂર્ણ સીમાચિહ્નરૂપ ગણાવી છે. અધિકારીઓના

જણાવ્યા અનુસાર, સરહદી

વિસ્તારોમાં આવી કામગીરી વધુ તીવ્ર બનાવવામાં આવશે.

હિન્દુસ્થાન સમાચાર / શ્રીપ્રકાશ / અમરેશ દ્વિવેદી

---------------

હિન્દુસ્થાન સમાચાર / ડો.હિતેશ એન.વ્યાસ