નવી દિલ્હી, 16 ડિસેમ્બર (હિ.સ.). 2026 ઇન્ડિયન પ્રીમિયર લીગ (આઈપીએલ) ની હરાજી પહેલા, ખેલાડીઓની યાદી ફરી એકવાર સુધારી દેવામાં આવી છે. સોમવારે જાહેર કરાયેલા અપડેટ મુજબ, ફ્રેન્ચાઇઝીઓની વિનંતી પર હરાજીની યાદીમાં 19 વધારાના ખેલાડીઓ ઉમેરવામાં આવ્યા છે. આ સાથે, ખેલાડીઓની કુલ સંખ્યા હવે 369 થઈ ગઈ છે.

આ નવીનતમ અપડેટમાં સૌથી નોંધપાત્ર નામ બંગાળના કેપ્ટન અભિમન્યુ ઈશ્વરનનું છે, જેમને પ્રથમ વખત આઈપીએલ 2026 ની હરાજી યાદીમાં સામેલ કરવામાં આવ્યા છે.

આ પહેલા, લીગે હરાજી પૂલમાં નવ ખેલાડીઓ ઉમેર્યા હતા, જેમાં ત્રિપુરાના ઓલરાઉન્ડર માનસિંકર મુરસિંહ, સ્વસ્તિક ચિકારા અને દક્ષિણ આફ્રિકાના ઈથન બોશનો સમાવેશ થાય છે. જો કે, થોડા સમય પછી આ નામો યાદીમાંથી દૂર કરવામાં આવ્યા હતા. હવે, નવીનતમ અપડેટ સાથે, આ નવ ખેલાડીઓ ફરી એકવાર હરાજીની યાદીમાં સામેલ થયા છે.

હરાજીની સૂચિમાં ઉમેરાયેલા ખેલાડીઓ અને તેમની મૂળ કિંમતો

માનસિંકર મુરસિંહ – ₹30 લાખ

સ્વસ્તિક ચિકારા – ₹30 લાખ

ઈથન બોશ - ₹75 લાખ

વિરનદીપ સિંહ - ₹30 લાખ

ચામા મિલિંદ - ₹30 લાખ

કે.એલ. શ્રીજીત - ₹30 લાખ

રાહુલ રાજ નામલા – ₹30 લાખ

ક્રિસ ગ્રીન - ₹75 લાખ

વિરાટ સિંહ - ₹30 લાખ

અભિમન્યુ ઇશ્વરન – ₹30 લાખ

ત્રિપુરેશ સિંહ - ₹30 લાખ

કાઈલ વેરયેન – ₹1.25 કરોડ

બ્લેસિંગ મુજારાબાની – ₹75 લાખ

બેન સીયર્સ - ₹1.50 કરોડ

રાજેશ મોહંતી – ₹30 લાખ

સ્વાસ્તિક સામલ – ₹30 લાખ

સરાંશ જૈન – ₹30 લાખ

સૂરજ સંગરાજુ – ₹30 લાખ

તન્મય અગ્રવાલ – ₹30 લાખ

આ અપડેટે અબુ ધાબીના એતિહાદ એરેના ખાતે યોજાનારી હરાજી પહેલા ફ્રેન્ચાઇઝીસ માટેના વિકલ્પોને વધુ વિસ્તૃત કર્યા છે. આ નવા નામો પર કઈ ટીમો બોલી લગાવે છે, તેના પર હવે બધાની નજર છે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ