નવી દિલ્હી, 2 ડિસેમ્બર (હિ.સ.). લોકસભામાં વિપક્ષના નેતા રાહુલ ગાંધીએ, મંગળવારે કોંગ્રેસના રાજ્યસભા સભ્ય રેણુકા ચૌધરીના શિયાળુ સત્રના પહેલા દિવસે સંસદ ભવનના સંકુલમાં કૂતરા લાવવા અંગેના વિવાદાસ્પદ ટિપ્પણી પર ટિપ્પણી કરવાનું ટાળ્યું.

રાહુલ ગાંધીએ સંસદ ભવનના સંકુલમાં પત્રકારોને કહ્યું, મને લાગે છે કે આ તે બાબતો છે જેની ભારત આજકાલ ચર્ચા કરી રહ્યું છે. તે કૂતરાએ શું કર્યું? શું અહીં કૂતરાઓને મંજૂરી નથી? કદાચ અહીં પાલતુ પ્રાણીઓને મંજૂરી નથી. નોંધનીય છે કે, જ્યારે કૂતરાની ઘટના પર વિવાદ વધ્યો, ત્યારે સાંસદ રેણુકા ચૌધરીએ પોતાના બચાવમાં કહ્યું હતું કે, રસ્તા પર એક નાનું કુરકુરિયું સ્કૂટર અને કાર વચ્ચે અથડામણમાં અડચણરૂપ હતું. તેમણે કહ્યું, મને લાગ્યું કે તે ટક્કર મારશે. તેથી મેં તેને ઉપાડ્યુ, કારમાં મુક્યું, સંસદમાં લાવ્યું અને તેને પાછું મોકલી દીધું. કાર ચાલી ગઈ, અને કૂતરૂ પણ ગયુ. ભાજપે આની ટીકા કરી અને સંભવિત સુરક્ષા ચિંતાઓ અંગે પ્રશ્નો ઉભા કર્યા. ઉત્તર પ્રદેશના ડુમરિયાગંજના બીજેપી સાંસદ જગદંબિકા પાલે, રેણુકા ચૌધરી વિરુદ્ધ કાર્યવાહી કરવાની માંગ કરી છે.

હિન્દુસ્થાન સમાચાર/પ્રશાંત શેખર/પવન કુમાર

હિન્દુસ્થાન સમાચાર / ડો.હિતેશ એન.વ્યાસ