લખનૌ, નવી દિલ્હી, 25 ડિસેમ્બર (હિ.સ.). પ્રધાનમંત્રી નરેન્દ્ર મોદીએ, ગુરુવારે ભૂતપૂર્વ પ્રધાનમંત્રી અટલ બિહારી વાજપેયીની જન્મશતાબ્દી નિમિત્તે રાષ્ટ્રીય પ્રેરણા સ્થળનું ઉદ્ઘાટન કર્યું. લખનૌમાં બસંત કુંજ યોજનાના સેક્ટર જે માં 65 એકરના સ્થળ, રાષ્ટ્રીય પ્રેરણા સ્થળ પર ડૉ. શ્યામા પ્રસાદ મુખર્જી, પંડિત દીનદયાળ ઉપાધ્યાય અને અટલજીની વિશાળ પ્રતિમાઓ સ્થાપિત કરવામાં આવી છે. પ્રધાનમંત્રી નરેન્દ્ર મોદી, આ પ્રસંગે એક જાહેર સભાને પણ સંબોધિત કરશે.

રાષ્ટ્રીય પ્રેરણા સ્થળ લખનૌમાં ગોમતી નદીના કિનારે હરદોઈ રોડ પર બનેલ છે. 65 એકરના સ્થળ પર ત્રણેય વ્યક્તિત્વોની કાંસાની પ્રતિમાઓ સ્થાપિત કરવામાં આવી છે. દરેક પ્રતિમા 65 ફૂટ ઊંચી છે. આ પ્રસંગે, પ્રધાનમંત્રી મોદીએ આ મહાન વ્યક્તિઓના જીવનને સમર્પિત એક સંગ્રહાલયનું પણ ઉદ્ઘાટન કર્યું. પ્રધાનમંત્રી મોદી અને અન્ય નેતાઓએ કમળ આકારના સંગ્રહાલયની પણ મુલાકાત લીધી.

આ પ્રસંગે સંરક્ષણ પ્રધાન અને લખનૌના સાંસદ રાજનાથ સિંહ, રાજ્યપાલ આનંદીબેન પટેલ, ઉત્તર પ્રદેશના મુખ્યમંત્રી યોગી આદિત્યનાથ, કેન્દ્રીય નાણાં રાજ્યમંત્રી અને યુપી ભાજપ પ્રમુખ પંકજ ચૌધરી, નાયબ મુખ્યમંત્રી કેશવ પ્રસાદ મૌર્ય, બ્રજેશ પાઠક અને ઉત્તર પ્રદેશ સરકારના અન્ય મંત્રીઓ અને નેતાઓ હાજર રહ્યા હતા.

હિન્દુસ્થાન સમાચાર / દિલીપ શુક્લા / રાજેશ

હિન્દુસ્થાન સમાચાર / માધવી વ્યાસ