કાઠમંડુ, નવી દિલ્હી, 26 ડિસેમ્બર (હિ.સ.). નેપાળના ભૂતપૂર્વ ગૃહમંત્રી રમેશ લેખકે કહ્યું છે કે, તેઓ સોમવારે જેન-જી ચળવળ સાથે સંબંધિત ઘટનાઓની તપાસ કરી રહેલા ન્યાયિક તપાસ પંચ સમક્ષ હાજર થશે અને તેમનું નિવેદન નોંધાવશે.

શુક્રવારે નેપાળી કોંગ્રેસ પાર્ટી કાર્યાલયમાં પત્રકારો સાથે વાત કરતા લેખકે કહ્યું કે, કમિશને તેમને આજે હાજર રહેવા માટે ઔપચારિક રીતે સમન્સ પાઠવ્યું હતું, પરંતુ તેઓ સોમવારે કમિશનના કાર્યાલયમાં તેમનું નિવેદન નોંધાવવા માટે પહોંચશે.

તપાસ પંચે જેન-જી ચળવળ દરમિયાન કથિત દમન સંબંધિત બાબતો અંગે તેમનું નિવેદન નોંધાવવા માટે લેખકને પત્ર મોકલ્યો હતો. લેખકે કહ્યું કે, પાર્ટીની કેન્દ્રીય સમિતિની બેઠકમાં ચર્ચા બાદ, તેમણે કમિશન સાથે સહયોગ કરવાનો નિર્ણય લીધો છે. અગાઉ એવું અહેવાલ હતું કે, ભૂતપૂર્વ વડા પ્રધાન કેપી ઓલીની જેમ, ભૂતપૂર્વ ગૃહમંત્રી લેખક પણ કમિશન સમક્ષ હાજર નહીં થાય.

હિન્દુસ્થાન સમાચાર / પંકજ દાસ / મુકુન્દ

હિન્દુસ્થાન સમાચાર / માધવી વ્યાસ