કાઠમંડુ, નવી દિલ્હી,27 ડિસેમ્બર
(હિ.સ.) 5 માર્ચ, 2026 ના રોજ યોજાનારી
પ્રતિનિધિ ગૃહના સભ્યોની ચૂંટણી માટે 68 દિવસ બાકી હોવાથી, ચૂંટણી પંચે કામચલાઉ મતદાર યાદીમાં સામેલ કરવા માટેની
વ્યક્તિઓની શ્રેણીઓને અંતિમ સ્વરૂપ આપ્યું છે.
આયોગના જણાવ્યા અનુસાર, ‘નેપાળ સરકાર, પ્રાંતીય સરકારો, સ્થાનિક સ્તરો અને સંઘીય અથવા પ્રાંતીય સરકારોની માલિકીની
અથવા નિયંત્રિત સંસ્થાઓના કર્મચારીઓ જેમના નામ, અંતિમ મતદાર યાદીમાં સૂચિબદ્ધ છે
તેમને કામચલાઉ મતદારો તરીકે સમાવવામાં આવશે.’
એ જ રીતે, બેરેકમાં તૈનાત નેપાળ સેના, નેપાળ પોલીસ અને સશસ્ત્ર પોલીસ દળના સભ્યો, જેલોમાં બંદીઓ
અને કેદીઓ અને ચૂંટણી સંબંધિત કાર્ય માટે તૈનાત કર્મચારીઓ અને સુરક્ષા કર્મચારીઓને
પણ, કામચલાઉ મતદાર યાદીમાં સમાવવામાં આવશે.
આયોગે એ પણ સ્પષ્ટ કર્યું છે કે,’ સંઘીય, પ્રાંતીય અથવા
સ્થાનિક સરકારો દ્વારા સંચાલિત અથવા મંજૂર કરાયેલા વૃદ્ધાશ્રમોમાં રહેતા વ્યક્તિઓ
તેમજ બંધારણીય સંસ્થાઓના પ્રમુખો અને અધિકારીઓ પણ કામચલાઉ મતદારો તરીકે પાત્ર
રહેશે.’
કામચલાઉ મતદાર યાદીના નિર્માણ અને સંચાલનની દેખરેખ માટે
ચૂંટણી કમિશનરની દેખરેખ હેઠળ, એક કામચલાઉ મતદાર યાદી સંકલન સમિતિની રચના કરવામાં
આવશે.
આ સમિતિમાં ચૂંટણી પંચના સચિવ, ગૃહ મંત્રાલય, સંરક્ષણ મંત્રાલય, મહિલા, બાળકો અને વરિષ્ઠ
નાગરિકો મંત્રાલય અને સંઘીય બાબતો અને સામાન્ય વહીવટ મંત્રાલયના સચિવોનો સમાવેશ
થશે. ચૂંટણી પંચની તમામ શાખાઓના સંયુક્ત સચિવો અને કમિશનના વરિષ્ઠ કમ્પ્યુટર
અધિકારી પણ સભ્યો હશે. મતદાર નોંધણી અને ચૂંટણી કામગીરી શાખાના નાયબ સચિવ અથવા
તેમના દ્વારા નિયુક્ત અધિકારી સભ્ય-સચિવ તરીકે સેવા આપશે.
જિલ્લા સ્તરે, મુખ્ય જિલ્લા અધિકારી આ પ્રક્રિયાનું સંકલન કરશે, જેમાં જિલ્લા
સુરક્ષા વડા અને જિલ્લા જેલ વડા સભ્યો તરીકે રહેશે. ચૂંટણી અધિકારી સભ્ય-સચિવ
તરીકે સેવા આપશે.
કામચલાઉ મતદાર યાદી તૈયાર કરવા માટે, સંબંધિત સંસ્થાઓએ
સંબંધિત ચૂંટણી કચેરીઓમાં ભૌતિક અને ઇલેક્ટ્રોનિક બંને સ્વરૂપમાં પાત્ર
કર્મચારીઓની વિગતો સબમિટ કરવાની રહેશે.
ત્યારબાદ મુખ્ય નોંધણી અધિકારી સંબંધિત, ચૂંટણી અધિકારીને
કામચલાઉ મતદાર યાદી પ્રદાન કરશે. વધુમાં, મતદાન મથકો પર તૈનાત કર્મચારીઓ અથવા સુરક્ષા કર્મચારીઓની
કામચલાઉ મતદાર યાદી નિર્ધારિત ફોર્મેટમાં તૈયાર કરવાની જોગવાઈ કરવામાં આવી છે.
હિન્દુસ્થાન સમાચાર / પંકજ દાસ / સંજીવ પાશ
હિન્દુસ્થાન સમાચાર / ડો.હિતેશ એન.વ્યાસ
