નવી દિલ્હી, 5 ડિસેમ્બર (હિ.સ.) ભારત-રશિયા સંબંધો માટે શુક્રવારનો દિવસ

મહત્વપૂર્ણ બનવાનો છે. બે દિવસની મુલાકાત માટે ગુરુવારે દિલ્હી પહોંચેલા રશિયન

રાષ્ટ્રપતિ વ્લાદિમીર પુતિનનું એરપોર્ટ પર પ્રધાનમંત્રી નરેન્દ્ર મોદીએ સ્વાગત

કર્યું હતું અને બંને નેતાઓ, એક જ કારમાં પ્રધાનમંત્રી નિવાસસ્થાને પહોંચ્યા હતા.

આજે, 23મી ભારત-રશિયા

શિખર સંમેલન દિલ્હીના હૈદરાબાદ હાઉસ ખાતે યોજાશે, જેમાં બંને દેશો વચ્ચે મહત્વપૂર્ણ કરાર થવાની

સંભાવના છે.

આજે રશિયા સાથે ભારતના દ્વિપક્ષીય સંબંધો માટે, મહત્વપૂર્ણ

દિવસ છે. 23મી શિખર સંમેલન

સવારે 11:50 વાગ્યે હૈદરાબાદ

હાઉસ ખાતે યોજાશે, જેમાં સંરક્ષણ, ઉર્જા, ટેકનોલોજી અને

વેપાર સહિત પરસ્પર હિતના દ્વિપક્ષીય મુદ્દાઓ પર મહત્વપૂર્ણ કરાર થશે. આ શિખર

સંમેલન સંરક્ષણ સંબંધોને મજબૂત બનાવવા, પરસ્પર વેપારને બાહ્ય દબાણથી મુક્ત રાખવા અને નાના મોડ્યુલર

પ્લાન્ટ્સમાં સહયોગની શક્યતા શોધવા પર ધ્યાન કેન્દ્રિત કરશે.

આ બેઠક પર યુનાઇટેડ સ્ટેટ્સ, પાકિસ્તાન, ચીન અને પશ્ચિમી દેશો નજીકથી નજર રાખશે. આ દેશોમાં મુલાકાતી

રશિયન રાષ્ટ્રપતિ સાથેના વડાપ્રધાનના ઉષ્માભર્યા સંબંધોની પણ મીડિયામાં ચર્ચા થઈ

રહી છે. રશિયા-ભારત સમિટ એવા સમયે થઈ રહી છે જ્યારે અમેરિકાએ રશિયન તેલ ખરીદવા

માટે, ભારત પર 50 ટકા ટેરિફ

લાદ્યો છે, જેના કારણે

ભારત-અમેરિકા સંબંધોમાં બગાડ થયો છે. વધુમાં, રશિયા-યુક્રેન સંઘર્ષમાં અમેરિકાની મધ્યસ્થી દ્વારા વૈશ્વિક

પરિસ્થિતિઓનું નિર્માણ થયું છે. તેથી, આજે બંને દેશો વચ્ચે થયેલા કરારો પર નજીકથી નજર રાખવામાં

આવશે.

હિન્દુસ્થાન સમાચાર / સંજીવ પાશ

હિન્દુસ્થાન સમાચાર / માધવી વ્યાસ