મોડાસા,18 ફેબ્રુઆરી (હિ.સ.). તક્ષશિલા ગુરુકુલમ, હોસ્ટેલ વિભાગ,બાયડના સંયુક્ત ઉપક્રમે ડેમાઈ ગુરુકુલમ ખાતે ધોરણ: 10 અને 12 ના વિદ્યાર્થીઓ પરીક્ષા સંદર્ભે શુભેચ્છા કાર્યક્રમ યોજાયો સાથે જ પૂર્વ વિદ્યાર્થીઓને મેડિકલમાં પ્રવેશ મેળવવાની સિદ્ધિ બદલ સન્માન કરવામાં આવ્યું હતું. ધોરણ 6 થી 12 સુધીના વિદ્યાર્થીઓની પૂરક અને પ્રિલિમ પરીક્ષાની જવાબવહી નિર્દેશનનો કાર્યક્રમ યોજાયો.

સાથે જ તક્ષશિલા ગુરુકુલમ બાયડ ખાતે જૂન 2025 થી શરૂ થનારી જ્ઞાન શક્તિ રેસીડેન્ટલ સ્કૂલ ઓફ એક્સલન્સ ને વિધિવત રીતે ખુલ્લી મુકવામાં આવી. વર્ષ દરમિયાન લેવાયેલી પરીક્ષામાંથી 85% થી વધુ માર્ક મેળવનાર વિદ્યાર્થીઓનું સન્માન કરવામાં આવ્યું હતું. ખેલ મહાકુંભ માં જિલ્લા કક્ષા ઉપર પ્રથમ ક્રમાંકે આવેલા 33 વિદ્યાર્થીઓનું સન્માન કરવામાં આવ્યું હતુ.

આ પ્રસંગે સંસ્થાના આદ્ય સ્થાપક અતુલભાઈ પટેલ ,સેક્રેટરી રેખાબેન પટેલ, મેનેજીંગ ડિરેક્ટર તપનભાઈ પટેલ , ધૈર્ય પટેલ , કેમ્પસ ડાયરેક્ટર પ્રેક્ષાબેન વિભાગીય વડાઓએ ઉપસ્થિતિ આપી વિદ્યાર્થીઓને ધોરણ :10,12ના વિદ્યાર્થીઓને શુભકામનાઓ પાઠવી હતી.

હિન્દુસ્થાન સમાચાર / મહેન્દ્રપ્રસાદ એચ.પટેલ