ગીર સોમનાથ, 19 ફેબ્રુઆરી (હિ.સ.). જિલ્લા કલેક્ટર ની સીધી દેખરેખ હેઠળ થોડા સમયમાં અનેક પ્રકારની ગેરકાયદેસર ચાલતી પ્રવૃત્તિઓ પર સકંજો કસવામાં આવ્યો છે. આ જ કડીમાં, ગઈકાલે કોડિનાર તાલુકાના વિઠ્ઠલપુર ગામે રેવન્યૂ અને ખાણખનીજની ક્ષેત્રીય ટીમ દ્વારા સંયુક્ત કાર્યવાહી કરી ક્વોરી લીઝની બિલ્ડીંગ લાઈમસ્ટોન ખનીજની તપાસ કરી માપણી કરવામાં આવી હતી. આ તપાસ અન્વયે સર્વે નં.૨૨૦ પૈકી ૧ માં ૨.૪૦.૭૬ હેક્ટરના વિસ્તારમાંથી ૧,૫૨,૫૧૦ મેટ્રિક ટન જથ્થો ગેરકાયદેસર રીતે નિકાસ કરવામાં આવ્યો હોવાનું માલૂમ પડ્યું હતું. આ લીઝમાં થયેલ ગેરકાયદેસર નિકાસ બાબતે કુલ રૂ.૭,૬૮,૬૫,૦૪૦/- જેટલો દંડ ઠપકારી નિયમોનુસાર આગળની કાર્યવાહી હાથ ધરવામાં આવી છે.

---------------

હિન્દુસ્થાન સમાચાર / ભરતસિંહ જાદવ