વરુણ ધવન, કીર્તિ સુરેશ, વામિકા ગબ્બી અને જેકી શ્રોફ જેવા સ્ટાર્સ અભિનીત ફિલ્મ 'બેબી જોન' ગયા વર્ષે 25 ડિસેમ્બરે સિનેમાઘરોમાં રિલીઝ થઈ હતી. નિર્માતાઓને આ ફિલ્મ પાસેથી ઘણી આશાઓ હતી, પરંતુ તે બોક્સ ઓફિસ પર કોઈ ખાસ કમાલ કરી શકી નહીં.

૧૮૦ કરોડ રૂપિયાના ખર્ચે બનેલી આ ફિલ્મે બોક્સ ઓફિસ પર માત્ર ૩૯.૫ કરોડ રૂપિયાની કમાણી કરી હતી. જોકે, હવે આ ફિલ્મ OTT પ્લેટફોર્મ એમેઝોન પ્રાઇમ વિડીયો પર સ્ટ્રીમ થઈ ગઈ છે, જેના કારણે તેને નવા દર્શકો મળવાની અપેક્ષા છે. જો તમે આ એક્શન-થ્રિલર થિયેટરોમાં જોવાનું ચૂકી ગયા હો, તો હવે તમે એમેઝોન પ્રાઇમ વિડિયો પર તેનો આનંદ માણી શકો છો.

એમેઝોન પ્રાઇમ વિડીયોએ તાજેતરમાં તેના ઓફિશિયલ X હેન્ડલ પર એક મજેદાર વીડિયો શેર કર્યો છે, જેમાં વરુણ ધવન, કીર્તિ સુરેશ અને વામિકા ગબ્બી મસ્તી કરતા જોવા મળે છે. આ સાથે તેમણે જણાવ્યું કે 'બેબી જોન' હવે એમેઝોન પ્રાઇમ વિડીયો પર ઉપલબ્ધ છે. જે દર્શકોએ આ એક્શન-થ્રિલર ફિલ્મ થિયેટરોમાં જોવાનું ચૂકી ગયા હતા તેઓ હવે તેને OTT પર જોઈ શકે છે. તમને જણાવી દઈએ કે 'બેબી જોન'નું દિગ્દર્શન કાલિસ દ્વારા કરવામાં આવ્યું છે, જ્યારે આ ફિલ્મ એટલી દ્વારા નિર્મિત કરવામાં આવી છે.

હિન્દુસ્થાન સમાચાર/લોકેશ ચંદ્ર દુબે/રામાનુજ શર્મા

હિન્દુસ્થાન સમાચાર / હર્ષ શાહ