ઇમ્ફાલ,20 ફેબ્રુઆરી (હિ.સ) મણિપુરના પહાડી અને ખીણ જિલ્લાઓમાં અલગ-અલગ કાર્યવાહી દરમિયાન સુરક્ષા દળોએ મોટી માત્રામાં હથિયારો અને વિસ્ફોટકો જપ્ત કર્યા છે. પોલીસે આજે જણાવ્યું હતું કે, તેંગનોપાલ જિલ્લાના માછી પોલીસ સ્ટેશન હેઠળના એસએલ ઝૌગામ વિસ્તારમાંથી ત્રણ ઇમ્પ્રુવાઇઝ્ડ મોર્ટાર, બે મસ્કેટ રાઇફલ્સ, એક તૂટેલી મેગેઝિન, એક સ્પોટર સ્કોપ, બે દૂરબીન, એક મોનોક્યુલર સાઇટ, એક હેલ્મેટ, પાંચ બુલેટપ્રૂફ જેકેટ (બુલેટપ્રૂફ પ્લેટ વિના) અને બે રાઇફલ સ્લિંગ મળી આવ્યા છે.

અન્ય એક કાર્યવાહીમાં, મોરેહ પોલીસ સ્ટેશન વિસ્તાર હેઠળના માઓજાંગ ગામમાંથી એક AK-56 રાઇફલ, બે 9mm પિસ્તોલ (મેગેઝિન સાથે), એક 40mm લાથોડ ગન, બે ચાઇનીઝ હેન્ડ ગ્રેનેડ, બે અન્ય ગ્રેનેડ, પાંચ હેન્ડસેટ (ત્રણ ચાર્જર સાથે), ચાર હેડફોન, બે સ્લિંગ અને એક કેનો બાઇક જપ્ત કરવામાં આવી હતી.

થૌબલ જિલ્લાના નોંગપોક સેકમાઈ પોલીસ સ્ટેશન વિસ્તાર હેઠળના ઇરોંગ ગામમાંથી એક SLR (મેગેઝિન સાથે), એક 5.56 રાઇફલ, ચાર HE હેન્ડ ગ્રેનેડ, એક ચાઇનીઝ હેન્ડ ગ્રેનેડ, પાંચ 7.62mm જીવંત કારતૂસ, એક ટીયર સ્મોક શેલ LR, બે ગ્રીન સ્મોક 80MK1, એક ટીયર સ્મોક શેલ (સોફ્ટ નોઝ), બે બાઓફેંગ રેડિયો સેટ (એન્ટેના સાથે), બે ચાર્જર અને 02 5.56mm મેગેઝિન મળી આવ્યા છે.

આ ઉપરાંત, યુકેએનએ સંગઠનના સક્રિય સભ્ય સિમિનલેન ડુંગેલ (35) ની ચુરાચંદપુર જિલ્લાના તુઇબોંગ ગામમાંથી ધરપકડ કરવામાં આવી હતી. તે ખંડણી, અપહરણ, હથિયારોની દાણચોરી અને ડ્રગ્સની હેરાફેરીમાં સામેલ હતો. તેના કબજામાંથી એક મોબાઇલ ફોન, ડ્રાઇવિંગ લાઇસન્સ, પાન કાર્ડ, કેનેરા બેંકનું ડેબિટ કાર્ડ, એસબીઆઈ ડેબિટ કાર્ડ, મતદાર ઓળખપત્ર, એક AK-47 (મેગેઝિન સાથે), 0.315 રાઇફલ (કદાચ બંદૂકની દુકાનમાંથી લૂંટાયેલી), 0.315 રાઇફલ (મેગેઝિન સાથે), એક સિંગલ બેરલ રાઇફલ (દેશી બનાવટ) અને 23 7.62mm બોલ રાઉન્ડ જપ્ત કરવામાં આવ્યા હતા.

હિન્દુસ્થાન સમાચાર/શ્રીપ્રકાશ/મુકુન્દ

હિન્દુસ્થાન સમાચાર / હર્ષ શાહ