બોલિવૂડ અભિનેત્રી કંગના રનૌતની આગામી ફિલ્મ 'ઇમર્જન્સી' હવે 17 માર્ચે OTT પ્લેટફોર્મ પર રિલીઝ થશે. આ ફિલ્મ 17 જાન્યુઆરીએ સિનેમાઘરોમાં રિલીઝ થઈ હતી. આ ફિલ્મે બોક્સ ઓફિસ પર સારું પ્રદર્શન કર્યું. ફિલ્મમાં કંગનાના અભિનયના વખાણ થયા છે. હવે જે દર્શકો 'ઇમર્જન્સી' જોવા માટે થિયેટરોમાં જઈ શક્યા નથી તેઓ ઘરે ફિલ્મનો આનંદ માણી શકશે.
કંગના રનૌતે તેની ઇન્સ્ટાગ્રામ સ્ટોરી પર એક પોસ્ટમાં લખ્યું છે કે તેની ફિલ્મ 17 માર્ચે નેટફ્લિક્સ પર રિલીઝ થઈ રહી છે. ફિલ્મ 'ઇમર્જન્સી' OTT પ્લેટફોર્મ નેટફ્લિક્સ પર રિલીઝ થશે. દર્શકો 17 માર્ચ, 2025 થી ત્યાં ફિલ્મ જોઈ શકશે.
સેકેનિલ્કના રિપોર્ટ મુજબ, કંગના રનૌતની 'ઇમર્જન્સી'એ ભારતમાં 21.65 કરોડ રૂપિયાની કમાણી કરી. કંગનાએ આ ફિલ્મમાં માત્ર અભિનય જ નહોતો કર્યો પણ તેનું દિગ્દર્શન પણ કર્યું હતું. ઇમર્જન્સી માં અનુપમ ખેર, શ્રેયસ તલપડે, વિશાખ નાયર, મિલિંદ સોમન અને સ્વર્ગસ્થ અભિનેતા સતીશ કૌશિક પણ છે. આ ફિલ્મ રિલીઝ થઈ ત્યારથી જ વિવાદોમાં ઘેરાયેલી છે. પંજાબમાં ફિલ્મ પર પ્રતિબંધ મૂકવાની માંગ કરવામાં આવી હતી. સેન્સરે ફિલ્મમાંથી કેટલાક દ્રશ્યો કાપવાનો નિર્ણય લીધો. ત્યારબાદ આ ફિલ્મ રિલીઝ થઈ.
હિન્દુસ્થાન સમાચાર/લોકેશ ચંદ્ર દુબે/સુનિત નિગમ
હિન્દુસ્થાન સમાચાર / હર્ષ શાહ
