નવી દિલ્હી, 22 ફેબ્રુઆરી (હિ.સ). પ્રધાનમંત્રી નરેન્દ્ર મોદી 23 થી 25 ફેબ્રુઆરી દરમિયાન મધ્યપ્રદેશ, બિહાર અને આસામની મુલાકાત લેશે. 23 ફેબ્રુઆરીએ, તેઓ મધ્યપ્રદેશના છતરપુર જિલ્લાની મુલાકાત લેશે અને બપોરે 2 વાગ્યે બાગેશ્વર ધામ મેડિકલ એન્ડ સાયન્સ રિસર્ચ ઇન્સ્ટિટ્યૂટનો શિલાન્યાસ કરશે.

પ્રધાનમંત્રી કાર્યાલય અનુસાર, 24 ફેબ્રુઆરીએ સવારે 10 વાગ્યે પ્રધાનમંત્રી, ભોપાલમાં ગ્લોબલ ઇન્વેસ્ટર્સ સમિટ 2025 નું ઉદ્ઘાટન કરશે. આ પછી, તેઓ બિહારના ભાગલપુર જશે અને બપોરે લગભગ 2:15 વાગ્યે, તેઓ પીએમ કિસાન યોજનાનો 19મો હપ્તો જાહેર કરશે અને બિહારમાં વિવિધ વિકાસ પ્રોજેક્ટ્સનું ઉદ્ઘાટન કરશે.

ત્યારબાદ તેઓ ગૌહાટી જશે અને સાંજે 6 વાગ્યે ઝુમોર બિનંદિની (મેગા ઝુમોર) 2025 કાર્યક્રમમાં હાજરી આપશે. 25 ફેબ્રુઆરીના રોજ સવારે 10:45 વાગ્યે, પ્રધાનમંત્રી ગૌહાટીમાં એડવાન્ટેજ આસામ 2.0 ઇન્વેસ્ટમેન્ટ એન્ડ ઇન્ફ્રાસ્ટ્રક્ચર સમિટ 2025 નું ઉદ્ઘાટન કરશે.

હિન્દુસ્થાન સમાચાર / અનૂપ શર્મા / પવન કુમાર

હિન્દુસ્થાન સમાચાર / ડો.હિતેશ એન.વ્યાસ