વોશિંગ્ટન, નવી દિલ્હી, 23 ફેબ્રુઆરી (હિ.સ.). ઇટાલીના પીએમ જ્યોર્જિયો મેલોનીએ, શનિવારે ડાબેરી નેતાઓની આકરી ટીકા કરી હતી અને તેમના પર બેવડા ધોરણો અપનાવવાનો આરોપ લગાવ્યો હતો. મેલોનીએ કહ્યું કે જ્યારે બિલ ક્લિન્ટન અને ટોની બ્લેરે 90ના દાયકામાં ગ્લોબલ લેફ્ટિસ્ટ લિબરલ નેટવર્ક બનાવ્યું, ત્યારે તેમને સ્ટેટ્સમેન કહેવામાં આવતા હતા પરંતુ જ્યારે ટ્રમ્પ, મેલોની, માઇલી (આર્જેન્ટિના પ્રમુખ) અથવા મોદી બોલે છે, ત્યારે તેમને લોકશાહી માટે ખતરો કહેવામાં આવે છે.

વોશિંગ્ટનમાં કન્ઝર્વેટિવ પોલિટિકલ એક્શન કોન્ફરન્સ (સીપીએસી) માં વિડીયો લિંક દ્વારા જોડાતા ઇટાલીના વડા પ્રધાન મેલોનીએ કહ્યું કે, ટ્રમ્પની જીતથી ડાબેરીઓ ખૂબ જ હતાશ અને નારાજ છે. એવું એટલા માટે નથી કે રૂઢિચુસ્તો જીતી રહ્યા છે, પરંતુ એટલા માટે કે રૂઢિચુસ્તો હવે વૈશ્વિક સ્તરે એક સાથે આવી રહ્યા છે. તેમણે કહ્યું કે, આજે જ્યારે ટ્રમ્પ, મેલોની, માઇલી કે મોદી બોલે છે, ત્યારે તેને લોકશાહી માટે ખતરો માનવામાં આવે છે. તેને બેવડું ધોરણ ગણાવતા તેમણે કહ્યું કે, તેઓ હવે તેનાથી ટેવાઈ ગયા છે અને જનતા પણ આ જૂઠાણા પર વિશ્વાસ કરતી નથી. જનતા અમને મત આપી રહી છે. તેમણે કહ્યું કે, અમે શાસન નથી કરી રહ્યા પરંતુ લોકોની સેવા કરી રહ્યા છીએ.

મેલોનીએ કહ્યું કે, અમારી સરકાર આંતરરાષ્ટ્રીય સ્તરે ઇટાલીને વધુ સારું સ્થાન આપવા માટે સતત કામ કરી રહી છે. અમે ઇટાલીને ફરી એકવાર વૈશ્વિક નેતા તરીકે વિશ્વમાં તેની ભૂમિકા સ્થાપિત કરવા માટે વધુ સારું બનાવી રહ્યા છીએ.

હિન્દુસ્થાન સમાચાર / સંજીવ પાશ / સુનિલ નિગમ

હિન્દુસ્થાન સમાચાર / ડો.હિતેશ એન.વ્યાસ