અમદાવાદ,નવી દિલ્હી,27 મે (હિ.સ.) દેશની ઉભરતી ટેબલ ટેનિસ પ્રતિભાઓને

પ્લેટફોર્મ પૂરું પાડવાના હેતુથી, ડ્રીમ યુટીટી જુનિયર્સ સ્પર્ધાની પ્રથમ આવૃત્તિ 29 મે થી 8 જૂન દરમિયાન

અમદાવાદના, એકા એરેના ખાતે યોજાશે. આ ટુર્નામેન્ટને અંડર-15 ખેલાડીઓ માટે એક

ઐતિહાસિક પહેલ માનવામાં આવે છે, જે ડ્રીમ સ્પોર્ટ્સ ફાઉન્ડેશન અને અલ્ટીમેટ ટેબલ ટેનિસના

સહયોગથી શરૂ કરવામાં આવી છે. આ સ્પર્ધામાં ડ્રીમ ખેલ ફાઉન્ડેશન યુવા વિકાસ

ભાગીદારની ભૂમિકા ભજવી રહ્યું છે.

દેશના 16 શ્રેષ્ઠ અંડર-15 ખેલાડીઓ સ્પર્ધા કરશે

આ સ્પર્ધામાં દેશના 16 શ્રેષ્ઠ યુવા ખેલાડીઓ (8 છોકરાઓ અને 8

છોકરીઓ) ભાગ લઈ રહ્યા છે,

જેમની પસંદગી

માર્ચમાં પૂર્ણ થયેલી ડ્રીમ સ્પોર્ટ્સ ચેમ્પિયનશિપ ટેબલ ટેનિસ 2૦25માં તેમના

પ્રદર્શનના આધારે કરવામાં આવી છે. આ સ્પર્ધામાં, ચંડીગઢના સાહિલ રાવત અને મુંબઈના દિવ્યાંશી

ભૌમિકે વિજેતા બનીને બધાનું ધ્યાન ખેંચ્યું.

ખેલાડીઓને 8 ટીમોમાં વહેંચવામાં આવ્યા છે

અલ્ટીમેટ ટેબલ ટેનિસ લીગની આઠ ટીમોમાં આ 16 ખેલાડીઓનો

સમાવેશ કરવામાં આવ્યો છે:

*અમદાવાદ એસજી પાઇપર્સ: અભિક કશ્યપ, મૌબોની ચેટર્જી

*સ્ટેનલીઝ ચેન્નઈ લાયન્સ: સિદ્ધાંત ધારીવાલ, દિવ્યાંશી ભૌમિક

*દબંગ દિલ્હી ટીટીસી: આકાશ રાજવેલુ, ધાની જૈન

*દેમ્પો ગોવા ચેલેન્જર્સઃ સાહિલ રાવત, આર્ય રેડકર

*જયપુર પેટ્રિયટ્સ: ત્રિશાલ સુરાપુરેડ્ડી, શ્રેયા ધર

*કલકતા થંડરબ્લેડસ: ઋત્વિક ગુપ્તા, સ્વરા કર્માકર

*પીબીજી પુણે જગુઆર્સ: અથર્વ નવરંગે, તુષિત સૂદ

*યુ મુમ્બા ટીટી: પ્રતિક તુલાસાની, અનન્યા મુરલીધર

આ ટુર્નામેન્ટ લીગ ફોર્મેટમાં રમાશે, ફાઇનલ 8 જૂને થશે

11 દિવસની આ ટુર્નામેન્ટ લીગ ફોર્મેટમાં રમાશે, જેમાં પ્રારંભિક

તબક્કામાં કુલ ૨૦ મેચ રમાશે. આ પછી, સેમિફાઇનલ 7 જૂને અને ફાઇનલ મેચ 8 જૂને યોજાશે. મેચો દરરોજ સવારે 9:00 વાગ્યે શરૂ થશે

અને બધી મેચો ફેન્કોડ ડિજિટલ પ્લેટફોર્મ પર લાઇવ સ્ટ્રીમ કરવામાં આવશે.

પહેલા દિવસની મેચ (29 મે)

સ્ટેનલીની ચેન્નઈ લાયન્સ વિરુદ્ધ કલકતા થંડરબ્લેડ્સ - સવારે

9:૦૦ વાગ્યે

યુ મુમ્બા ટીટી વિ દબંગ દિલ્હી ટીટીસી – સવારે 10:00 કલાકે

અમદાવાદ એસજી પાઇપર્સ વિરુદ્ધ દેમ્પો ગોવા ચેલેન્જર્સ -

સવારે 11:૦૦ વાગ્યે

આ પહેલ તમને પાયાના સ્તરથી આંતરરાષ્ટ્રીય પ્લેટફોર્મ પર લઈ

જશે.

આ સ્પર્ધાનો ઉદ્દેશ્ય પાયાના સ્તર અને વ્યાવસાયિક ટેબલ

ટેનિસ વચ્ચેના અંતરને દૂર કરવાનો છે. આનાથી આ યુવા ખેલાડીઓને ઉચ્ચ સ્તરનો અનુભવ

મળશે, જેથી તેઓ

ભવિષ્યમાં આંતરરાષ્ટ્રીય મંચ પર ભારતનું પ્રતિનિધિત્વ કરવા માટે તૈયાર થઈ શકે.

ડ્રીમ ખેલ ફાઉન્ડેશન અને અલ્ટીમેટ ટેબલ ટેનિસની આ ભાગીદારી,

ભારતીય ટેબલ ટેનિસને મજબૂત બનાવવામાં મદદરૂપ સાબિત થશે. તેમનો ઉદ્દેશ્ય એ છે કે, 2030 યુથ ઓલિમ્પિક્સ

અને 2036 સમર

ઓલિમ્પિક્સમાં ભારત માટે મેડલ જીતનારા ખેલાડીઓ આ સિસ્ટમમાંથી આવે.

હિન્દુસ્થાન સમાચાર / વીરેન્દ્ર સિંહ / સુનીત નિગમ

હિન્દુસ્થાન સમાચાર / માધવી વ્યાસ