ઇમ્ફાલ, નવી દિલ્હી, 28 મે (હિ.સ.) મણિપુરમાં સુરક્ષા દળો દ્વારા હાથ ધરવામાં

આવેલા સંકલિત બળવાખોર વિરોધી કાર્યવાહીમાં ત્રણ આતંકવાદીઓની ધરપકડ કરવામાં આવી હતી

અને મોટી માત્રામાં, શસ્ત્રો અને વિસ્ફોટકો જપ્ત કરવામાં આવ્યા હતા. અધિકારીઓએ

બુધવારે આ માહિતી આપી હતી.

આ કાર્યવાહીમાં સૌથી મોટી સફળતા ત્યારે મળી જ્યારે

કાંગલેઇપાક કોમ્યુનિસ્ટ પાર્ટી (પીડબ્લ્યુજી) કેડર મોહમ્મદ અયુબ ખાન ઉર્ફે થોઇબા (28) ને ખોંદ્યમપત મંત્રી

લાઇકાઇ (ઇમ્ફાલ પશ્ચિમ) થી ધરપકડ કરવામાં આવી. એવો આરોપ છે કે, તે ખીણ વિસ્તારમાં

પેટ્રોલ પંપોમાંથી પૈસા ઉઘરાવવાનું નેટવર્ક ચલાવી રહ્યો હતો.

તે જ સમયે, થૌબલ જિલ્લાના લૈરોંગથેલ પિત્રામાં દરોડા દરમિયાન, પ્રતિબંધિત

આતંકવાદી સંગઠન પ્રેપાકના બે કેડર - શામજેત્સાબમ ઇબોમચા મેતેઈ (30) અને લામજિંગબા

વાહેંગબમ (23) - ની ધરપકડ કરવામાં

આવી હતી. આ કાર્યવાહીમાં,

સુરક્ષા દળોએ એક એસએલઆરરાઇફલ, એક ઇન્સાસ રાઇફલ

અને 17 જીવંત કારતૂસ પણ

જપ્ત કર્યા.

ધરપકડની સાથે, સુરક્ષા દળોએ હથિયારોનો ખતરનાક જથ્થો પણ જપ્ત કર્યો છે.

થૌબલ ડેમ નજીક મોંઘલમ વિસ્તારમાં હાથ ધરાયેલી શોધખોળ દરમિયાન 4.5 થી 12 કિલો વજનના અનેક

આઈઇડી (ઇમ્પ્રુવાઇઝ્ડ

વિસ્ફોટક ઉપકરણો) મળી આવ્યા હતા. જપ્ત કરાયેલી સામગ્રીમાં ઉચ્ચ-સ્તરીય શસ્ત્રો, ડઝનબંધ રાઉન્ડ

ગોળીઓ અને લગભગ 30 મીટર લાંબી

કોર્ડટેક્સ વિસ્ફોટક દોરીનો સમાવેશ થાય છે.

ચુરાચાંદપુર જિલ્લાના ટોરબુંગ અને તૈઝાંગ ગામોમાં શોધખોળ

દરમિયાન એમ-16 અને ઇન્સાસરાઇફલ્સ, દેશી બનાવટના

શસ્ત્રો અને ગ્રેનેડ પણ જપ્ત કરવામાં આવ્યા છે. અધિકારીઓના જણાવ્યા અનુસાર,”મણિપુરમાં

આતંકવાદી પ્રવૃત્તિઓ અને શસ્ત્રોના સંચયને ધ્યાનમાં રાખીને, આ વિસ્તારમાં બળવા

વિરોધી કાર્યવાહી વધુ તીવ્ર કરી દેવામાં આવી છે.”

હિન્દુસ્થાન સમાચાર / શ્રીપ્રકાશ / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ