નવી દિલ્હી, 12 જૂન (હિ.સ.) ભારતીય જનતા પાર્ટીએ બાંગ્લાદેશમાં

રવિન્દ્રનાથ ટાગોરના પૈતૃક ઘરમાં તોડફોડની ઘટનાની સખત નિંદા કરી છે. પાર્ટીના

પ્રવક્તા ડૉ. સંબિત પાત્રાએ જણાવ્યું હતું કે,” સરકારે બાંગ્લાદેશ સાથે જોડાયેલા આ

સમગ્ર મામલાને ખૂબ જ સંવેદનશીલતાથી લીધો છે.” ડૉ. પાત્રાએ ગુરુવારે ભાજપ

મુખ્યાલયમાં એક પત્રકાર પરિષદમાં જણાવ્યું હતું કે,” રવિન્દ્રનાથ ટાગોરે બે

રાષ્ટ્રોના રાષ્ટ્રગીત લખ્યા હતા. ભારતનું રાષ્ટ્રગીત 'જન-ગણ-મન' રવિન્દ્રનાથજીની

કલમથી પ્રિય હતું. તેમણે બાંગ્લાદેશનું રાષ્ટ્રગીત પણ લખ્યું હતું.”

મીડિયા અહેવાલો અનુસાર,”આ ઘર પર તાજેતરમાં હુમલો કરવામાં આવ્યો હતો, જે

જમાત-એ-ઇસ્લામી અને હેફાઝત-એ-ઇસ્લામના સભ્યો દ્વારા કરવામાં આવ્યો હતો. આ હુમલો

આયોજનબદ્ધ રીતે કરવામાં આવ્યો હતો.” ભાજપના પ્રવક્તા ડૉ. પાત્રાએ કહ્યું કે,”

ટાગોર કોઈ સામાન્ય વ્યક્તિ નહોતા. તેઓ અસાધારણ વિવિધતાના વ્યક્તિ હતા. તેમણે

પોતાના સાહિત્ય, ફિલસૂફી અને

દ્રષ્ટિકોણ દ્વારા વિશ્વને ઘણું યોગદાન આપ્યું હતું. ટાગોર સીમાઓ સુધી મર્યાદિત

નહોતા,તેમનો વારસો

રાષ્ટ્રોની બહાર હતો. રવીન્દ્રનાથ ટાગોરના દાદા દ્વારકાનાથ ટાગોરે 184૦માં ઢાકાથી

લગભગ 125 કિમી દૂર સિરાજગંજમાં બે માળનું ઘર બનાવ્યું હતું.”

ડૉ. પાત્રાએ કહ્યું કે,” બાંગ્લાદેશની વચગાળાની સરકારનું

વર્તન યોગ્ય નથી. આ મામલે અત્યાર સુધી કોઈ કાર્યવાહી કરવામાં આવી નથી. ત્યાંની

સરકાર આટલા મોટા આંતરરાષ્ટ્રીય સ્મારકને બચાવી શકી નથી. ભાજપના પ્રવક્તા તરીકે, અમે બાંગ્લાદેશની

વચગાળાની સરકારની નિંદા કરીએ છીએ. જ્યારે તેમના ઘર પર હુમલો થાય છે, ત્યારે તે ફક્ત

ઇમારત જ નહીં પરંતુ તેમની વિચારસરણી પણ છે. અમે વૈશ્વિક સમુદાયને આ કૃત્ય સામે એક

થવા અપીલ કરીએ છીએ.”

હિન્દુસ્થાન સમાચાર / વિજયાલક્ષ્મી / પવન કુમાર

હિન્દુસ્થાન સમાચાર / ડો.હિતેશ એન.વ્યાસ