નવી દિલ્હી, 13 જૂન (હિ.સ.) અક્ષય કુમારની બહુચર્ચિત ફિલ્મ 'હાઉસફુલ-5' જોવા માટે થિયેટરોમાં દર્શકોની ભીડ ઉમટી પડી છે. તરુણ મનસુખાની દિગ્દર્શિત આ કોમેડી એન્ટરટેઈનર ફિલ્મ 6 જૂને રિલીઝ થઈ હતી. હવે રિલીઝના સાતમા દિવસની કમાણી સામે આવી છે.

બોક્સ ઓફિસ ટ્રેકર સૈકનિલ્ક અનુસાર, 'હાઉસફુલ-5' એ રિલીઝના સાતમા દિવસે એટલે કે પહેલા ગુરુવારે 6.75 કરોડ રૂપિયાનો બિઝનેસ કર્યો હતો, ત્યારબાદ તેનું કુલ બોક્સ ઓફિસ કલેક્શન 127 કરોડ રૂપિયા થઈ ગયું છે. આ ફિલ્મની વાર્તા ક્રુઝ શિપ પર થયેલી હત્યાની આસપાસ ફરે છે.

'હાઉસફુલ-5' ફિલ્મના નિર્માતા, સાજિદ નડિયાદવાલા છે. અક્ષય કુમારની સાથે, રિતેશ દેશમુખ, અભિષેક બચ્ચન, નાના પાટેકર, જેકી શ્રોફ, સંજય દત્ત અને સોનમ બાજવા જેવા ઘણા સ્ટાર્સ ફિલ્મમાં જોવા મળી રહ્યા છે. આ ફિલ્મને ખાસ કરીને અક્ષય અને રિતેશના અદ્ભુત કોમિક ટાઇમિંગ માટે, દર્શકો તરફથી ખૂબ પ્રશંસા મળી રહી છે. આ ઉપરાંત, ફિલ્મની સ્ટાર કાસ્ટમાં નરગીસ ફખરી, સૌંદર્યા શર્મા, શ્રેયસ તલપડે, જોની લીવર, ફરદીન ખાન, ચંકી પાંડે અને ડીનો મોરિયાનો પણ સમાવેશ થાય છે.

હિન્દુસ્થાન સમાચાર / લોકેશ ચંદ્ર દુબે / સુનીત નિગમ

હિન્દુસ્થાન સમાચાર / માધવી વ્યાસ