નવી દિલ્હી, 27 જૂન (હિ.સ.) આજે વૈશ્વિક બજારમાંથી મજબૂતીના સંકેતો જોવા મળી રહ્યા છે. છેલ્લા સત્ર દરમિયાન અમેરિકી બજારમાં સતત ઉત્સાહ જોવા મળ્યો. ડાઉ જોન્સ ફ્યુચર્સ પણ આજે મજબૂતીથી ટ્રેડિંગ કરી રહ્યું છે. છેલ્લા સત્ર દરમિયાન યુરોપિયન બજારો મિશ્ર પરિણામો સાથે બંધ થયા. આજે એશિયન બજારમાં પણ મિશ્ર વેપાર જોવા મળી રહ્યો છે.

છેલ્લા સત્ર દરમિયાન સ્મેરીકી બજારમાં સતત ખરીદી રહી હતી, જેના કારણે વોલ સ્ટ્રીટ સૂચકાંકો મજબૂતીથી બંધ થવામાં સફળ રહ્યા હતા. એસએન્ડપી 500 ઇન્ડેક્સ 0.80 ટકાના વધારા સાથે 6,141.02 પોઈન્ટ પર બંધ થયો. તેવી જ રીતે, નાસ્ડેક છેલ્લા સત્રનો વેપાર 194.36 પોઈન્ટ એટલે કે 0.97 ટકાના વધારા સાથે 20,167.91 પોઈન્ટ પર બંધ થયો. ડાઉ જોન્સ ફ્યુચર્સ હાલમાં 126.54 પોઈન્ટ એટલે કે 0.29 ટકાના વધારા સાથે 43,513.38 પોઈન્ટ પર ટ્રેડ કરી રહ્યું છે.

યુરોપિયન બજારો છેલ્લા સત્ર દરમિયાન વધારા સાથે ટ્રેડિંગ કર્યા પછી છેલ્લી ઘડીએ વેચવાલીથી મિશ્ર પરિણામો સાથે બંધ થયા. એફટીએસઈ ઇન્ડેક્સ 0.19 ટકાના વધારા સાથે 8,735.60 પોઈન્ટ પર બંધ થયો. તેવી જ રીતે, ડીએએક્સ ઇન્ડેક્સ છેલ્લા સત્રના ટ્રેડિંગમાં 150.97 પોઈન્ટ અથવા 0.64 ટકાના વધારા સાથે 23,649.30 પોઈન્ટ પર બંધ થયો. બીજી તરફ, સીએસી ઇન્ડેક્સ 0.01 ટકાના પ્રતીકાત્મક ઘટાડા સાથે 7,557.31 પોઈન્ટ પર બંધ થયો.

આજે એશિયન બજારોમાં મિશ્ર કારોબાર જોવા મળી રહ્યો છે. 9 એશિયન બજારોમાંથી, 5 સૂચકાંકો ઘટાડા સાથે લાલ રંગમાં ટ્રેડ કરી રહ્યા છે, જ્યારે 3 સૂચકાંકો વધારા સાથે લીલા રંગમાં ટ્રેડ કરી રહ્યા છે. ઇન્ડોનેશિયા સ્ટોક એક્સચેન્જમાં રજાને કારણે, આજે જકાર્તા કમ્પોઝિટ ઇન્ડેક્સમાં કોઈ ટ્રેડિંગ નથી. ગીફ્ટ નિફ્ટી 0.34 ટકાના વધારા સાથે 25,697 પોઈન્ટ પર ટ્રેડ કરી રહ્યો છે. તેવી જ રીતે, સ્ટ્રેટ ટાઇમ્સ ઇન્ડેક્સ 0.59 ટકાના વધારા સાથે 3,961.77 પોઈન્ટ પર પહોંચી ગયો છે. નિક્કી ઇન્ડેક્સે આજે જોરદાર ઉછાળો નોંધાવ્યો છે.

હાલમાં, આ ઇન્ડેક્સ 624.76 પોઈન્ટ એટલે કે 1.58 ટકાના વધારા સાથે 40,209.34 પોઈન્ટ પર પહોંચી ગયો છે. બીજી તરફ, તાઇવાન વેઇટેડ ઇન્ડેક્સ 0.28 ટકાના ઘટાડા સાથે 22,429.95 પોઈન્ટ પર ટ્રેડ કરી રહ્યો છે. તેવી જ રીતે, શાંઘાઈ કમ્પોઝિટ ઇન્ડેક્સ 0.21 ટકાના ઘટાડા સાથે 3,441.30 પોઈન્ટ પર પહોંચી ગયો છે. આજે સેટ કમ્પોઝિટ ઇન્ડેક્સમાં મોટો ઘટાડો જોવા મળી રહ્યો છે. હાલમાં, આ ઇન્ડેક્સ 1.48 ટકા ઘટીને 1,090.33 પોઈન્ટના સ્તરે પહોંચ્યો છે. આ ઉપરાંત, કોસ્પી ઇન્ડેક્સ 0.95 ટકા ઘટીને 3,050.25 પોઈન્ટના સ્તરે પહોંચ્યો છે અને હેંગ સેંગ ઇન્ડેક્સ 0.02 ટકાની સાંકેતિક નબળાઈ સાથે 24,319.72 પોઈન્ટના સ્તરે ટ્રેડ કરી રહ્યો છે.

હિન્દુસ્થાન સમાચાર/યોગિતા પાઠક/મુકુંદ

હિન્દુસ્થાન સમાચાર / ડો.હિતેશ એન.વ્યાસ