પેરિસ, નવી દિલ્હી, 3 જૂન (હિ.સ.) ત્રણ વખતના ફ્રેન્ચ ઓપન ચેમ્પિયન નોવાક જોકોવિચે, સોમવારે બ્રિટનના કેમેરોન નોરીને 6-2, 6-3, 6-2 થી સીધા સેટમાં હરાવીને ક્વાર્ટર ફાઇનલમાં પ્રવેશ કર્યો. આ સાથે, તેણે રોલેન્ડ ગેરોસ ખાતે પોતાની 100મી મેચ જીતીને રાફેલ નડાલના 'સેન્ચુરી ક્લબ'માં સ્થાન મેળવ્યું છે.

નડાલ પછી સદી પૂર્ણ કરનાર, બીજો પુરુષ ખેલાડી

નોવાક જોકોવિચે રોલેન્ડ ગેરોસ ખાતે 100 મેચ જીતનાર માત્ર બીજો પુરુષ ખેલાડી બન્યો છે. અગાઉ, રાફા નડાલે અહીં 112 મેચ જીતીને આ સિદ્ધિ હાંસલ કરી હતી. હવે જોકોવિચે રેકોર્ડ 25મો ગ્રાન્ડ સ્લેમ ખિતાબ જીતવા તરફ આગળ વધી રહ્યો છે.

રોલાં ગેરોનો રેકોર્ડ, ઓસ્ટ્રેલિયન ઓપનને વટાવી ગયો

જોકોવિચે ફ્રેન્ચ ઓપનમાં પોતાના કારકિર્દીના સૌથી વધુ 100 જીત નોંધાવી છે, જ્યારે ઓસ્ટ્રેલિયન ઓપનમાં તેની 99 જીત છે. જોકે, તેણે મેલબોર્નમાં રેકોર્ડ 10 વખત ટાઇટલ જીત્યું છે, જ્યારે તેણે પેરિસમાં અત્યાર સુધીમાં ૩ ટાઇટલ જીત્યા છે.

જોકોવિચ એક પણ સેટ ગુમાવ્યા વિના, ક્વાર્ટર ફાઇનલમાં પહોંચ્યો

જોકોવિચનું પ્રદર્શન આ વર્ષે કંઈ ખાસ ન રહ્યું હોય, પરંતુ તેણે તાજેતરમાં જ તેની કારકિર્દીનો 100મો ટૂર-લેવલ ટાઇટલ જીત્યું છે અને હવે ફ્રેન્ચ ઓપનમાં એક પણ સેટ ગુમાવ્યા વિના ક્વાર્ટર ફાઇનલમાં પહોંચ્યો છે. તેણે શરૂઆતના કેટલાક બ્રેક પછી નોરી સામે પહેલો સેટ સરળતાથી જીતી લીધો હતો.

હવે તેનો સામનો, જર્મનીના એલેક્ઝાન્ડર જ્વેરેવ સામે થશે

ત્રીજા સેટમાં, જોકોવિચે ત્રીજી ગેમમાં નોરીની સર્વિસ તોડી અને પછી પાછળ વળીને જોયું નહીં. આ જીત સાથે, તેણે ક્વાર્ટર ફાઇનલમાં પ્રવેશ કર્યો છે, જ્યાં તેનો સામનો ત્રીજા ક્રમાંકિત જર્મન ખેલાડી એલેક્ઝાન્ડર જ્વેરેવ સામે થશે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ