નવી દિલ્હી, 17 જુલાઈ (હિ.સ.). ટોચની ક્રમાંકિત ટેનિસ ખેલાડી આર્યના સબાલેન્કા, નેશનલ બેંક ઓપન (મોન્ટ્રીયલ ટુર્નામેન્ટ)માંથી ખસી ગઈ છે. તેણે અમેરિકી ઓપન માટે પોતાને વધુ સારી રીતે તૈયાર કરવા અને વધારાનો આરામ મેળવવા માટે આ નિર્ણય લીધો છે.

સબાલેન્કાએ એક નિવેદનમાં કહ્યું, હું ઉત્તર અમેરિકન હાર્ડ-કોર્ટ સીઝનની શરૂઆતથી ઉત્સાહિત છું, પરંતુ મેં નક્કી કર્યું છે કે આ સીઝનમાં વધુ સારા પ્રદર્શન માટે મોન્ટ્રીયલ ન રમવું મારા માટે યોગ્ય રહેશે.

નોંધનીય છે કે, સબાલેન્કા તાજેતરમાં વિમ્બલ્ડનની સેમિફાઇનલમાં પહોંચી હતી, જ્યાં તે અમાન્ડા અનિસિમોવા સામે હારી ગઈ હતી.

નેશનલ બેંક ઓપન 27 જુલાઈથી શરૂ થશે, પરંતુ હવે એવી અપેક્ષા રાખવામાં આવી રહી છે કે સબાલેન્કા ઓગસ્ટની શરૂઆતમાં સિનસિનાટી ઓપનમાં વાપસી કરશે. અમેરિકી ઓપન 24 ઓગસ્ટથી શરૂ થવાનું છે, જે સબાલેન્કાએ 2024માં પહેલીવાર જીત્યું હતું.

10મા ક્રમાંકિત પાઉલા બડોસા પણ ઈજાને કારણે આ ટુર્નામેન્ટમાંથી ખસી ગઈ છે. સબલેન્કા અને બડોસાના સ્થાને, કેટી મેકનેલી અને મોયુકા ઉચિજીમાને મુખ્ય ડ્રોમાં સામેલ કરવામાં આવ્યા છે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ