ચંદીગઢ, નવી દિલ્હી, 17 જુલાઈ (હિ.સ.). કસ્ટમ્સ વિભાગે અમૃતસર આંતરરાષ્ટ્રીય એરપોર્ટ પર એક મોટી કાર્યવાહીમાં બે મુસાફરો પાસેથી 968.47 ગ્રામ સોનું જપ્ત કર્યું છે. જપ્ત કરાયેલા સોનાની બજાર કિંમત 96 લાખ 75 હજાર હોવાનું કહેવાય છે.

કસ્ટમ્સ અધિકારીઓના જણાવ્યા અનુસાર, બંને મુસાફરો કોલકતાથી ઇન્ડિગો ફ્લાઇટમાં અમૃતસર પહોંચ્યા હતા. શંકાના આધારે તેમને એરપોર્ટ પર રોકવામાં આવ્યા હતા અને સંપૂર્ણ તપાસ કરવામાં આવી હતી. બંનેએ ખૂબ જ ચાલાકીથી સોનું છુપાવ્યું હતું. જ્યારે અધિકારીઓએ સોનું જપ્ત કર્યું, ત્યારે મુસાફરોએ તેના સ્ત્રોત વિશે કોઈ સ્પષ્ટ માહિતી આપી ન હતી. કસ્ટમ્સ વિભાગે કેસ નોંધીને સોનું જપ્ત કર્યું છે અને બંને મુસાફરોની પૂછપરછ શરૂ કરી છે. અધિકારીઓને શંકા છે કે, આ એક સંગઠિત દાણચોરી રેકેટનો ભાગ હોઈ શકે છે, જે સ્થાનિક માર્ગનો ઉપયોગ કરીને દાણચોરી કરી રહ્યું હતું.

હિન્દુસ્થાન સમાચાર / સંજીવ શર્મા / સુનિત નિગમ

હિન્દુસ્થાન સમાચાર / માધવી વ્યાસ