જમ્મુ, નવી દિલ્હી, 03 જુલાઈ (હિ.સ.) રિયાસી જિલ્લાના માહોરના બદોરા વિસ્તારમાં, પ્રખ્યાત શિવ ગુફા પાસે ભૂસ્ખલનમાં બે યુવાનોના મોત થયા.

અધિકારીઓએ જણાવ્યું કે, ગુફા સ્થળ નજીક એક તંબુમાં યુવાનો સૂતા હતા, ત્યારે અચાનક નજીકના પર્વત પરથી કાટમાળ પડ્યો અને તંબુ તેના વજન હેઠળ કચડાઈ ગયો. બંનેના ઘટનાસ્થળે જ મોત થયા. મૃતકોની ઓળખ રશપાલ સિંહ (26) પુત્ર સોબા રામ નિવાસી તૂલી કલાવન તહસીલ ચાસાણા જિલ્લા રિયાસી અને રવિ કુમાર (23) પુત્ર, પુરુષોત્તમ કુમાર નિવાસી ચેનાની જિલ્લા ઉધમપુર તરીકે થઈ છે.

તેમણે કહ્યું કે, બંને યુવાનો ગુફા મંદિરમાં આગામી ધાર્મિક કાર્યક્રમની તૈયારી કરી રહ્યા હતા. માહિતી મળતાં જ પોલીસ ટીમ ઘટનાસ્થળે પહોંચી અને મૃતદેહો બહાર કાઢ્યા. આગળની કાર્યવાહી કરવામાં આવી રહી છે.

હિન્દુસ્થાન સમાચાર / બલવાન સિંહ / વીરેન્દ્ર સિંહ

હિન્દુસ્થાન સમાચાર / ડો.હિતેશ એન.વ્યાસ