ચેમ્સફોર્ડ, નવી દિલ્હી, 24 જુલાઈ (હિ.સ.)

બેન ડોકિન્સની શાનદાર સદી અને રાલ્ફી આલ્બર્ટની 1૦ વિકેટ છતાં, ઇંગ્લેન્ડ અંડર-19 અને ભારત અંડર-19 વચ્ચે રમાયેલી

બીજી યુવા ટેસ્ટ મેચ બુધવારે ડ્રોમાં સમાપ્ત થઈ. આ પરિણામ સાથે, બે મેચની શ્રેણી 1-1 થી ડ્રો રહી.

કેન્ટના ઓપનર બેન ડોકિન્સે ઇંગ્લેન્ડ માટે 136 રન બનાવ્યા અને એડમ થોમસ (91 રન) સાથે 188 રનની ભાગીદારી

કરી. ઇંગ્લેન્ડે પોતાનો બીજો દાવ 324/5 પર ડિકલેર કર્યો અને ભારતને 355 રનનો લક્ષ્યાંક આપ્યો.

પરંતુ ભારત તરફથી આયુષ મ્હાત્રેની વિસ્ફોટક બેટિંગે

ઇંગ્લેન્ડની જીતની આશાઓ પર પાણી ફેરવી દીધું. તેણે 64 બોલમાં 126 રનની તોફાની ઇનિંગ રમી. અભિજ્ઞાન કુંડુ (65 રન) એ પણ આક્રમક બેટિંગ કરી અને ટીમને સંભાળી.

મેચની સંપૂર્ણ સ્થિતિ-પહેલી ઇનિંગ:

ઇંગ્લેન્ડે પહેલા બેટિંગ કરતા 309 રન બનાવ્યા, જેમાં એકાંશ

સિંહે 117 રન અને થોમસ

રિયુએ 59 રન બનાવ્યા.

ભારતના પુષ્પકએ 4 વિકેટ લીધી.

જવાબમાં ભારતે 279 રન બનાવ્યા, જેમાં વિહાન મલ્હોત્રાએ 120 અને મ્હાત્રેએ 80 રન બનાવ્યા. ઇંગ્લેન્ડના રાલ્ફી આલ્બર્ટે 6 વિકેટ લીધી.

બીજી ઇનિંગ:

ઇંગ્લેન્ડે આક્રમક બેટિંગ કરી અને 324/5 પર ઇનિંગ ડિકલેર

કરી, જેમાં ડોકિન્સે 136 રન બનાવ્યા અને

થોમસે 91 રન બનાવ્યા.

ભારત તરફથી આદિત્ય રાવતે 4 વિકેટ લીધી.

લક્ષ્યનો પીછો કરવા ઉતરેલી ભારતની ટીમને પહેલી જ ઓવરમાં

ઝટકો લાગ્યો જ્યારે 14 વર્ષીય વૈભવ

સૂર્યવંશી ક્લીન બોલ્ડ થઈ ગયો.

આ પછી, વિહાન મલ્હોત્રાએ મજબૂતાઈથી ઈનિંગ સંભાળી, જ્યારે મ્હાત્રેએ

આક્રમક બેટિંગ કરી અને માત્ર 25 બોલમાં પોતાની અડધી સદી પૂર્ણ કરી અને બાદમાં 64 બોલમાં સદી

ફટકારી.

અભિજ્ઞાન કુંડુએ પણ બે છગ્ગા ફટકારીને રન રેટ જાળવી રાખ્યો

અને પોતાની અડધી સદી પૂર્ણ કરી. જોકે, મ્હાત્રે 126 રન બનાવીને આઉટ થયા અને થોડા સમય પછી કુંડુ અને રાહુલ

કુમાર પણ પેવેલિયનમાં પાછા ફર્યા, જેનાથી ઈંગ્લેન્ડને વાપસીની આશા જાગી.

પરંતુ ભારતીય નીચલા ક્રમે બાજી સંભાળી અને જ્યારે વરસાદને

કારણે, રમત બંધ થઈ ગઈ, ત્યારે અમ્પાયરોએ

મેચને ડ્રો જાહેર કરી.

સંક્ષિપ્તમાં સ્કોરકાર્ડ:

ઈંગ્લેન્ડ પ્રથમ દાવ: 309 (એકાંશ સિંઘ 117, રેયુ 59, પુષ્પક 4/76)

ભારત પ્રથમ દાવ: 279 (મલ્હોત્રા 120, મ્હાત્રે 80, આલ્બર્ટ 6/53)

ઈંગ્લેન્ડનો બીજો દાવ: 324/5 જાહેર (ડોકિન્સ 136, થોમસ 91, રાવત 4/80)

ભારત 2જી ઇનિંગ્સ: 290/6

(મ્હાત્રે 126, કુંડુ 65, અલ્બર્ટ 4/76)

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / માધવી વ્યાસ