નવી દિલ્હી, 25 જુલાઈ (હિ.સ.) અભિનેતામાંથી રાજકારણી બનેલા મક્કલ નિધિ

મય્યમના વડા કમલ હસન સહિત, તમિલનાડુના ચાર નવા ચૂંટાયેલા સભ્યોએ રાજ્યસભાના સભ્ય

તરીકે શપથ લીધા. અન્ય ત્રણ સભ્યોમાં પી. વિલ્સન, એસઆર શિવલિંગમ અને રાજથી સલમાનો સમાવેશ થાય છે.

કમલ હાસને તમિલ ભાષામાં શપથ લીધા.

70 વર્ષીય હસન

ડીએમકેના નેતૃત્વ હેઠળના ગઠબંધનના, સમર્થનથી 12 જૂને રાજ્યસભામાં બિનહરીફ ચૂંટાયા હતા. હસને 2017 માં ભ્રષ્ટાચાર

સામે લડવા, ગ્રામીણ વિકાસ

અને પર્યાવરણીય ટકાઉપણું પર ધ્યાન કેન્દ્રિત કરીને પોતાની પાર્ટીની સ્થાપના કરી

હતી. 2019 ની લોકસભાની

ચૂંટણીમાં તેમની પાર્ટીને લગભગ 4 ટકા મત મળ્યા હતા. ત્યારબાદ તેમણે 2021 ની તમિલનાડુ

વિધાનસભાની ચૂંટણી લડી, જ્યાં હસન

કોઈમ્બતુર દક્ષિણ બેઠક પરથી ભાજપના વનાથી શ્રીનિવાસન સામે ટૂંકા અંતરથી હારી ગયા.

કમલ હસનની આગેવાની હેઠળની પાર્ટીએ 2024 ની લોકસભાની ચૂંટણી લડી ન હતી પરંતુ શાસક ડીએમકેને પોતાનો

ટેકો આપ્યો હતો.

શપથવિધિ પછી, બિહારમાં મતદાર યાદીના સ્પેશિયલ ઇન્ટેન્સિવ રિવિઝન (એસઆઈઆર) સહિત વિવિધ

મુદ્દાઓ પર ચર્ચા કરવા માટે વિપક્ષની મુલતવી નોટિસ ફગાવી દેવામાં આવતાં કાર્યવાહી

બપોરે 12 વાગ્યા સુધી

સ્થગિત કરવામાં આવી હતી. ઉપસભાપતિ હરિવંશે જણાવ્યું હતું કે,” તેમને નિયમ 267 હેઠળ 28 નોટિસ મળી છે, જેમાં એસઆઈઆર, અન્ય રાજ્યોમાં

બંગાળી સ્થળાંતરિત કામદારો સામે કથિત ભેદભાવ અને ભારત-યુકે મુક્ત વેપાર કરાર સહિત

વિવિધ મુદ્દાઓ પર ચર્ચા કરવાની માંગ કરવામાં આવી હતી.”

બપોર સુધી મુલતવી રાખ્યા પછી, કેન્દ્રીય મંત્રી શિવરાજ સિંહ ચૌહાણે પ્રશ્નકાળ

દરમિયાન બોલવાનો પ્રયાસ કર્યો, પરંતુ વિપક્ષી સભ્યોએ વિરોધ ચાલુ રાખ્યો. સતત વિરોધને કારણે, રાજ્યસભાની

કાર્યવાહી દિવસભર માટે સ્થગિત કરવામાં આવી હતી.

હિન્દુસ્થાન સમાચાર / વિજયાલક્ષ્મી / પવન કુમાર

હિન્દુસ્થાન સમાચાર / ડો.હિતેશ એન.વ્યાસ