પટણા, નવી દિલ્હી, 27 જુલાઈ (હિ.સ.). બિહારના મુખ્યમંત્રી નીતિશ કુમારે, રવિવારે સવારે બિહારમાં સફાઈ કર્મચારી આયોગની રચનાની જાહેરાત કરી છે. ગઈકાલે, શનિવારે સવારે તેમણે પત્રકારોના પેન્શનમાં વધારો કરવાની જાહેરાત કરી હતી.

નીતિશ કુમારે આજે સવારે એક એક્સ પોસ્ટમાં લખ્યું હતું કે, બિહારમાં સફાઈ કર્મચારીઓના અધિકારો અને હિતોનું રક્ષણ, કલ્યાણ, પુનર્વસન, સામાજિક ઉત્થાન, ફરિયાદોનું નિવારણ અને વિવિધ કલ્યાણકારી યોજનાઓનું નિરીક્ષણ સુનિશ્ચિત કરવા માટે, વિભાગને બિહાર રાજ્ય સફાઈ કર્મચારી આયોગની રચના કરવાનો નિર્દેશ આપવામાં આવ્યો છે.

તેમણે કહ્યું કે, આ આયોગ સરકારને સફાઈ કર્મચારીઓના હિતોના રક્ષણ, તેમના અધિકારો અંગે સૂચનો આપશે અને સફાઈ કાર્યમાં રોકાયેલા લોકો સંબંધિત કલ્યાણકારી યોજનાઓની સમીક્ષા કરશે અને તેના અમલીકરણ માટે યોગ્ય પગલાં લેશે. બિહાર રાજ્ય સફાઈ કર્મચારી આયોગમાં એક અધ્યક્ષ, એક ઉપાધ્યક્ષ અને પાંચ સભ્યો હશે, જેમાંથી એક મહિલા/ટ્રાન્સજેન્ડર હશે.

હિન્દુસ્થાન સમાચાર / ગોવિંદ ચૌધરી / સંજીવ પાશ

હિન્દુસ્થાન સમાચાર / માધવી વ્યાસ