નવી દિલ્હી, 29 જુલાઈ (હિ.સ.) તમને બધાને 'સ્ટુડન્ટ ઓફ ધ યર' ફિલ્મ યાદ હશે. આ ફિલ્મે બોલિવૂડને ત્રણ ચમકતા સ્ટાર્સ આપ્યા હતા. આ ત્રણેયે આ ફિલ્મથી પોતાની કારકિર્દીની શરૂઆત કરી હતી અને આજે તેઓ ઉદ્યોગના સૌથી લોકપ્રિય ચહેરાઓમાંના એક છે. ફિલ્મના અન્ય કલાકારોની પણ દર્શકો દ્વારા પ્રશંસા કરવામાં આવી હતી. પરંતુ હવે આ જ ફિલ્મ સાથે સંકળાયેલા એક અભિનેતાએ અભિનયની દુનિયામાંથી નિવૃત્તિ લેવાનો નિર્ણય લીધો છે, જેનાથી તેમના ચાહકો અને ઉદ્યોગના લોકોને આઘાત લાગ્યો છે.

'સ્ટુડન્ટ ઓફ ધ યર' ફિલ્મમાં 'સુડો'નું યાદગાર પાત્ર ભજવનાર અભિનેતા કાયોજ ઈરાનીએ હવે અભિનયને અલવિદા કહેવાનો નિર્ણય લીધો છે. કાયોજે ફિલ્મમાં વરુણ ધવન, આલિયા ભટ્ટ અને સિદ્ધાર્થ મલ્હોત્રાના શ્રેષ્ઠ મિત્રની ભૂમિકા ભજવી હતી. તાજેતરના એક ઇન્ટરવ્યુમાં, તેમણે ખુલાસો કર્યો, હાલમાં અભિનયમાં પાછા ફરવાનો મારો કોઈ પ્લાન નથી. કેમેરા પાછળ કામ કરવું મારા માટે વધુ આરામદાયક અને સંતોષકારક છે. મેં એ પણ સમજી લીધું છે કે અભિનય મારા માટે નથી બન્યો. ભલે હું કોઈ ફિલ્મમાં ન દેખાઉં, તમે ચોક્કસપણે મને ફિલ્મોનું નિર્માણ કરતા જોશો. તેમણે એમ પણ કહ્યું, ક્યારેક મને લાગે છે કે મેં લોકોને નિરાશ કર્યા છે, પરંતુ સાચું કહું તો, અભિનય હવે મારા માટે યોગ્ય નથી.

'સ્ટુડન્ટ ઓફ ધ યર' થી અભિનયની શરૂઆત કરનાર અને પીઢ અભિનેતા બોમન ઈરાનીના પુત્ર, કાયોજ ઈરાની હવે દિગ્દર્શનની દુનિયામાં પગ મૂકી ચૂક્યા છે. ફિલ્મમાં કાયોજને તેની ભૂમિકા માટે ઘણી પ્રશંસા મળી હોવા છતાં, તેને અપેક્ષા મુજબ લોકપ્રિયતા મળી નહીં. આ પછી, તેણે કેમેરા પાછળ કામ કરવાનું શરૂ કર્યું અને કાર્તિક આર્યનની ફિલ્મ 'ધમાકા' માં સહાયક દિગ્દર્શક તરીકેની ભૂમિકા ભજવી. હવે કાયોજે ફિલ્મ 'સરજમીં ' થી દિગ્દર્શક તરીકેની શરૂઆત કરી છે, જેમાં કાજોલ, ઇબ્રાહિમ અલી ખાન અને પૃથ્વીરાજ સુકુમારન મહત્વપૂર્ણ ભૂમિકાઓમાં દેખાયા છે. જ્યાં ઘણા લોકોએ કયોજના આ નિર્ણયની પ્રશંસા કરી, ત્યાં કેટલાક લોકો તેમના પરિવર્તનથી આશ્ચર્યચકિત પણ થયા.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / માધવી વ્યાસ