જૂનાગઢ 29 જુલાઈ (હિ.સ.) અખિલ ભારતીય શાળાકીય રમતોત્સવ (S.G.F.I.) ૨૦૨૫-૨૬ જિલ્લા કક્ષાની જૂનાગઢ શહેરની ચેસ રમતનું જિલ્લા રમત ગમત વિકાસ અધિકારીની કચેરી,જૂનાગઢ અને B.A.P.S વિદ્યામંદિર,જૂનાગઢ ના સંયુક્ત ઉપક્રમે સરદાર પટેલ સ્પોર્ટ્સ કોમ્પ્લેક્સ ખાતે યોજવામાં આવી હતી.

જેમા અન્ડર ૧૪,૧૭, અને ૧૯ (ભાઈઓ/બહેનો)ની સ્પર્ધાનું સફળતાપૂર્વક સંપન્ન થઈ હતી. જેમાં કુલ- ૪૧ શાળાઓની ટીમના જુદા જુદા વય જૂથમાં ૨૯૦ જેટલા સ્પર્ધકોએ ભાગ લીધો હતો. અંડર-૧૪ ભાઈઓ અને બહેનોના વિભાગમાં અનુક્રમે ગોહિલ ઈશાન, વડીયાતર અપેક્ષા, અંડર- ૧૭ ભાઈઓ અને બહેનોના વિભાગમાં અનુક્રમે તન્ના ક્રિશ, માનસતા પ્રગતિ,તેમજ અંડર- ૧૯ ભાઈઓ અને બહેનોના વિભાગમાં અનુક્રમે સતાસિયા રુદ્ર મુકેશભાઈ, ગોરાણીયા દિવ્યા એ પ્રથમ ક્રમાંક પ્રાપ્ત કર્યો હતો.

દરેક વય જૂથમાં ભાઈઓ અને બહેનોના વિભાગમાંથી પાંચ-પાંચ ખેલાડીઓ રાજ્યકક્ષાએ આગામી દિવસોમાં આયોજિત થનાર રાજય કક્ષાની અખિલ ભારતીય શાળાકીય રમતોત્સવની ચેસ સ્પર્ધામાં ખેલાડીઓ જૂનાગઢ શહેરનું પ્રતિનિધિત્વ કરશે. આ કાર્યક્રમ સફળ બનાવવા માટે જિલ્લા રમત વિકાસ અધિકારી ડો. મનીષભાઈ જીલડીયા તેમજ વ્યાયામ શિક્ષક સંઘના પ્રમુખ હમીરસિંહ વાળા તેમજ જિલ્લા શિક્ષણ અધિકારીની કચેરી ના મદદનીશ શિક્ષણ નિરીક્ષક ડો. ભાવેશ વેકરીયા, દેવનભાઈ રાઠોડ તથા સુરજભાઈ રાઠોડ વિશેષ મહેમાન તરીકે આ પ્રસંગે હાજરી આપી હતી. તેમજ જુદી જુદી શાળાના વ્યાયામ શિક્ષકો અને B.A.P.S વિદ્યામંદિરના કન્વીનર શ્રીપ્રીતિમાં કુશારી તેમજ દર્શનભાઈ વાઘેલા દ્વારા સમગ્ર સ્પર્ધાનું આયોજન કરી સ્પર્ધાને સફળ બનાવવા માટે જહેમત ઉઠાવી હતી.

---------------

હિન્દુસ્થાન સમાચાર / ભરતસિંહ જાદવ