જમ્મુ, 6 જુલાઈ (હિ.સ.) : સતત વરસાદ વચ્ચે, 7,200થી વધુ યાત્રાળુઓનો નવું જૂથ રવિવારે સવારે દક્ષિણ કાશ્મીરના હિમાલયમાં અમરનાથ મંદિરના દર્શન માટે આધાર શિબિરથી રવાના થયું. 3 જુલાઈથી શરૂ થયેલી 38 દિવસની વાર્ષિક યાત્રાએ રવિવારે 50,000થી વધુ યાત્રાળુઓનો આંકડો પાર કર્યો છે.

અધિકારીઓએ જણાવ્યું કે, 1,587 મહિલાઓ અને 30 બાળકો સહિત 7,208 યાત્રાળુઓનો પાંચમું જૂથ કડક સુરક્ષા વ્યવસ્થા હેઠળ સવારે 3:35થી 4:15 વચ્ચે ભગવતીનગર સ્થિત આધાર શિબિરથી બે જુદા-જુદા કાફલામાં રવાના થયો હતો. 2 જુલાઈ પછીનો આ સૌથી મોટો જૂથ છે, જ્યારે લેફ્ટનન્ટ ગવર્નર મનોજ સિન્હાએ અહીંથી યાત્રાને લીલી ઝંડી બતાવી હતી. આ સાથે અત્યાર સુધી કુલ 31,736 યાત્રાળુઓ જમ્મુ આધાર શિબિરથી ઘાટી તરફ રવાના થઇ ચૂક્યા છે.

અધિકારીઓએ જણાવ્યું કે, 147 વાહનોમાં 3,199 યાત્રાળુઓને લઇને પ્રથમ કાફલો ગંદરબલ જિલ્લામાં આવેલ, 14 કિ.મી. લાંબા છતાં નાનકડા એવા બાલટાલ માર્ગે રવાના થયો હતો, જ્યારે બીજા 160 વાહનોમાં 4,009 યાત્રાળુઓ અનંતનાગ જિલ્લાના 48 કિ.મી. લાંબા પરંપરાગત પહલગામ માર્ગેથી યાત્રા પર નિકળ્યા હતા. યાત્રાળુઓએ રાત્રિ દરમિયાન જમ્મુના વિસ્તારોમાં ભારે વરસાદનો સામનો કર્યો હતો.

અધિકારીઓ મુજબ 3 જુલાઈએ યાત્રા શરૂ થયા બાદ અત્યાર સુધીમાં 50,000થી વધુ યાત્રાળુઓએ 3,880 મીટર ઊંચાઈએ આવેલા અમરનાથ ગુફા મંદિરમાં દર્શન કરી લીધા છે.

હિન્દુસ્થાન સમાચાર / અભિષેક બારડ