વોશિંગ્ટન (યુએસએ), નવી દિલ્હી, 27 ઓગસ્ટ (હિ.સ.). અમેરિકી વિદેશમંત્રી માર્કો રુબિયો, આવતીકાલે બપોરે સ્ટેટ ડિપાર્ટમેન્ટમાં ઇઝરાયલી વિદેશ પ્રધાન ગિદોન સાર સાથે મળશે. તે જ સમયે, ગાઝા પર એક મોટી બેઠક વ્હાઇટ હાઉસ ખાતે યોજાવાની ધારણા છે. તેની અધ્યક્ષતા રાષ્ટ્રપતિ ડોનાલ્ડ જે. ટ્રમ્પ કરશે.

સીએનએન સમાચાર અનુસાર, ઇઝરાયલી વિદેશ પ્રધાન ગિદોન સાર હાલમાં વોશિંગ્ટનમાં છે. રુબિયોને મળવા ઉપરાંત, સાર ગૃહ સુરક્ષા વિભાગના સચિવ ક્રિસ્ટી નોએમને પણ મળવાના છે. ઇઝરાયલી દૂતાવાસના કર્મચારીઓ યારોન લિશ્ચિન્સ્કી અને સારા મિલ્ગ્રામની હત્યા બાદ, નોએમ મે મહિનામાં ઇઝરાયલની મુલાકાતે ગયા હતા.

ખાસ દૂત સ્ટીવ વિટકોફે કહ્યું છે કે, વ્હાઇટ હાઉસ ખાતે યોજાનારી ગાઝા પરની મહત્વપૂર્ણ બેઠકની રૂપરેખા તૈયાર કરવામાં આવી રહી છે. ઘણા લોકો બેઠકમાં હાજરી આપશે. આ બેઠક રાષ્ટ્રપતિ ટ્રમ્પના માનવતાવાદી ઉદ્દેશ્યોને પ્રતિબિંબિત કરે છે.

હિન્દુસ્થાન સમાચાર / મુકુંદ

હિન્દુસ્થાન સમાચાર / ડો.હિતેશ એન.વ્યાસ